Rajeev Chandrashekhar : સ્થાનિક ડિજિટલ અર્થતંત્ર દર વર્ષે 2.8 ટકાના દરે વધી રહ્યું છે. 2027-28 સુધીમાં તેનું કદ વધીને એક ટ્રિલિયન ડોલર થવાની ધારણા છે.
આર્ટિફિશિયલ ઈન્ટેલિજન્સ (AI)ને સમર્પિત ઈન્ડિયા એઆઈ મિશનનું મૂલ્ય પણ આ સમયગાળા સુધીમાં રૂ. 10,000 કરોડથી રૂ. 20,000 કરોડ સુધી બમણું થઈ જશે, એમ ઈલેક્ટ્રોનિક્સ અને ઈન્ફોર્મેશન ટેક્નોલોજી રાજ્ય મંત્રી રાજીવ ચંદ્રશેખરે જણાવ્યું હતું.
“વડાપ્રધાન નરેન્દ્ર મોદીના વિઝન સાથે, ડિજિટલ અર્થતંત્ર વાર્ષિક 2.8 ટકાના દરે વૃદ્ધિ કરી રહ્યું છે,” તેમણે મંગળવારે એક કાર્યક્રમમાં જણાવ્યું હતું. આપણે પહેલાથી જ વિશ્વમાં સૌથી ઝડપથી વિકસતી ડિજિટલ અર્થવ્યવસ્થા છીએ.
ચંદ્રશેખરે કહ્યું, પીએમ મોદીએ યુવા ભારતીયોને આગળ લાવ્યા અને તેમને વૈશ્વિક સ્તરે સ્પર્ધાત્મક બનાવ્યા. પ્રતિભાશાળી ઉદ્યોગસાહસિકો બનાવ્યા, જેમનું વિશ્વ આજે સન્માન કરે છે. તેમણે કહ્યું કે, સરકારે અગાઉ 2026-27 સુધીમાં ડિજિટલ અર્થતંત્ર $1 ટ્રિલિયન સુધી પહોંચવાની અપેક્ષા રાખી હતી. પરંતુ, વિવિધ કારણોસર આ લક્ષ્યાંક એક વર્ષ લંબાવવામાં આવ્યો છે.
