Supreme Court : સુપ્રીમ કોર્ટ કોલેજિયમે હાઈકોર્ટના બે વરિષ્ઠ જજોને સુપ્રીમ કોર્ટમાં બઢતી આપવાની ભલામણ કરી છે. મુખ્ય ન્યાયાધીશ ડીવાય ચંદ્રચુડના નેતૃત્વ હેઠળના કોલેજિયમે ઉચ્ચ ન્યાયાલયના ન્યાયાધીશ એન કોટીશ્વર સિંહ અને આર મહાદેવનના નામની ભલામણ કરી છે.
નિમણૂક બાદ જસ્ટિસ એન કોટીશ્વર સિંહ મણિપુર રાજ્યના પહેલા જજ હશે જેમને સુપ્રીમ કોર્ટના જજ તરીકે નિયુક્ત કરવામાં આવશે. કોલેજિયમના ઠરાવમાં કહેવામાં આવ્યું છે કે સુપ્રીમ કોર્ટના જજ તરીકે તેમની નિમણૂક ઉત્તર-પૂર્વને પ્રતિનિધિત્વ પ્રદાન કરશે.
હાલમાં 2 જજોની જગ્યા ખાલી છે
જસ્ટિસ એન કોટીશ્વર સિંહ હાલમાં જમ્મુ અને કાશ્મીર અને લદ્દાખ હાઈકોર્ટના ચીફ જસ્ટિસ છે, જસ્ટિસ મહાદેવન મદ્રાસ હાઈકોર્ટના એક્ટિંગ ચીફ જસ્ટિસ છે. સુપ્રીમ કોર્ટના કોલેજિયમના અન્ય સભ્યોમાં જસ્ટિસ સંજીવ ખન્ના, બીઆર ગવઈ, સૂર્યકાંત અને હૃષિકેશ રાય છે. સુપ્રીમ કોર્ટમાં CJI સહિત 34 જજોની મંજૂર સંખ્યા છે, હાલમાં 32 જજો છે.
