National News: આબકારી નીતિ કૌભાંડ સંબંધિત ભ્રષ્ટાચારના કેસમાં મુખ્યમંત્રી અરવિંદ કેજરીવાલને આજે, 5 ઓગસ્ટ, સોમવારના રોજ દિલ્હી હાઈકોર્ટ તરફથી આંચકો લાગ્યો છે. દિલ્હી હાઈકોર્ટે સીબીઆઈ દ્વારા કરાયેલી ધરપકડને પડકારતી મુખ્યમંત્રી અરવિંદ કેજરીવાલની અરજીને ફગાવી દીધી છે. હાઈકોર્ટે કેજરીવાલની નીચલી કોર્ટમાં જવાની પરવાનગી સાથેની વચગાળાની જામીન અરજી પણ ફગાવી દીધી હતી. CBIએ ભ્રષ્ટાચારના કેસમાં 26 જૂને દિલ્હીના મુખ્યમંત્રીની ધરપકડ કરી હતી. જ્યારે એન્ફોર્સમેન્ટ ડિરેક્ટોરેટ (ED) એ 21 માર્ચે અરવિંદ કેજરીવાલની ધરપકડ કરી હતી.
CBI કેસમાં કેજરીવાલ 8 ઓગસ્ટ સુધી ન્યાયિક કસ્ટડીમાં છે.
CBI કેસમાં કેજરીવાલ 8 ઓગસ્ટ સુધી ન્યાયિક કસ્ટડીમાં છે.તમને જણાવી દઈએ કે, 25 જુલાઈના રોજ રાઉઝ એવન્યુ કોર્ટે એક્સાઈઝ પોલિસી કૌભાંડ સંબંધિત સીબીઆઈ કેસમાં અરવિંદ કેજરીવાલની ન્યાયિક કસ્ટડી 8 ઓગસ્ટ સુધી વધારી દીધી હતી. હાલમાં તે CBI અને ED બંને કેસમાં દિલ્હીની તિહાર જેલમાં ન્યાયિક કસ્ટડીમાં છે.
ED કેસમાં વચગાળાના જામીન મંજૂર
મની લોન્ડરિંગ કેસમાં કેજરીવાલને સુપ્રીમ કોર્ટમાંથી વચગાળાના જામીન મળ્યા છે. આ કેસમાં દિલ્હીના પૂર્વ નાયબ મુખ્યમંત્રી મનીષ સિસોદિયા અને BRS નેતા કે. કવિતા તિહાર જેલમાં જ્યુડિશિયલ કસ્ટડીમાં છે.
