ભારતના સ્ટાર બેટ્સમેન વિરાટ કોહલીએ બાંગ્લાદેશ સામેની ટેસ્ટ શ્રેણીની તૈયારીઓ શરૂ કરી દીધી છે. ભારતીય ટીમ એક મહિનાના વિરામ બાદ બાંગ્લાદેશ સામે આગામી બે ટેસ્ટ મેચની શ્રેણી માટે તૈયારી કરી રહી છે અને ટીમના ખેલાડીઓએ શુક્રવારે ચેન્નાઈમાં પ્રેક્ટિસ સેશનમાં ભાગ લીધો હતો. આ દરમિયાન કોહલીએ નેટ્સમાં લગભગ 45 મિનિટ વિતાવી અને ખૂબ પરસેવો પાડ્યો. (virat kohli test prectice,)
કોહલી ટેસ્ટમાં ચમકવા માટે તૈયાર છે
કોહલી અંગત કારણોસર આ વર્ષની શરૂઆતમાં ઈંગ્લેન્ડ સામેની પાંચ મેચની ટેસ્ટ શ્રેણીમાં રમ્યો ન હતો અને હવે તે રેડ-બોલ ફોર્મેટમાં પોતાની છાપ બનાવવા માટે તૈયાર છે. બાંગ્લાદેશ સામે પ્રથમ ટેસ્ટ 19 સપ્ટેમ્બરથી ચેન્નાઈમાં રમાશે. કેપ્ટન રોહિત શર્મા અને કોહલી સહિત આખી ટીમ એમએ ચિદમ્બરમ સ્ટેડિયમમાં એકઠી થઈ હતી. આ દરમિયાન નવા બોલિંગ કોચ મોર્ને મોર્કેલ અને સહાયક કોચ અભિષેક નાયર પણ હાજર હતા.
પ્રેક્ટિસ સેશન દરમિયાન કોહલીએ 45 મિનિટ વિતાવી હતી અને ટીમના સ્ટાર ફાસ્ટ બોલર જસપ્રિત બુમરાહે પણ સતત બોલિંગ કરી હતી. ખેલાડીઓ એક મહિનાથી વધુના વિરામ બાદ મેદાનમાં પરત ફરશે. ઓગસ્ટમાં શ્રીલંકા સામેની વનડે શ્રેણીમાં ભારતને હારનો સામનો કરવો પડ્યો હતો. નવા કોચ ગૌતમ ગંભીર સાથે આ પ્રથમ ટેસ્ટ શ્રેણી છે. (virat kohli t20 matches, formate)
ભારતીય ખેલાડીઓ શુક્રવારે વહેલી સવારે ચેન્નાઈ પહોંચી ગયા હતા
રોહિત સુરક્ષાકર્મીઓથી ઘેરાયેલા એરપોર્ટની બહાર આવ્યો, જ્યારે કોહલી લંડનથી સીધો જ વહેલી સવારે ચેન્નાઈ પહોંચ્યો. ફાસ્ટ બોલર જસપ્રીત બુમરાહ, બેટ્સમેન કેએલ રાહુલ, વિકેટકીપર બેટ્સમેન ઋષભ પંત ગુરુવારે જ ચેન્નાઈ પહોંચ્યા હતા.
હાલમાં ભારત WTCના પોઈન્ટ ટેબલમાં ટોચ પર છે
આ શ્રેણી વિશ્વ ટેસ્ટ ચેમ્પિયનશિપ ચક્રનો એક ભાગ છે. આ પછી ભારતે ન્યુઝીલેન્ડમાં ત્રણ મેચની ટેસ્ટ શ્રેણી અને ઓસ્ટ્રેલિયામાં પાંચ મેચની બોર્ડર ગાવસ્કર શ્રેણી રમવાની છે. ભારત 68.52 ટકા માર્ક્સ સાથે WTCમાં આગળ છે, જ્યારે ઓસ્ટ્રેલિયા 62.52 ટકા માર્ક્સ સાથે બીજા ક્રમે છે. બાંગ્લાદેશ 45.83 ટકા માર્ક્સ સાથે ચોથા સ્થાને છે.
