મહારાષ્ટ્રના થાણે જિલ્લામાં એક સગીર બાળકી પર બળાત્કાર કરવાના આરોપમાં મૃતક વિરુદ્ધ કેસ નોંધવામાં આવ્યો છે. પોલીસે સોમવારે આ માહિતી આપી. એક અધિકારીએ જણાવ્યું કે, છોકરીની માતાની ફરિયાદના આધારે, પોલીસે શનિવારે ભારતીય દંડ સંહિતાની કલમ 64(1) (બળાત્કાર) અને બાળકોના જાતીય ગુનાઓથી રક્ષણ (POCSO) અધિનિયમ હેઠળ કેસ નોંધ્યો છે.
જોકે, FIRમાં કથિત આરોપીના મૃત્યુના સમય અને સંજોગોનો ઉલ્લેખ નથી. અધિકારીએ જણાવ્યું હતું કે આરોપીએ મુમ્બ્રામાં તેના પડોશની 17 વર્ષની છોકરી સાથે મિત્રતા કરી હતી અને જૂન અને ઓગસ્ટ 2024 વચ્ચે અનેક વખત તેના પર બળાત્કાર ગુજાર્યો હતો.
પરિવારના વિરોધ છતાં આરોપીએ બાદમાં છોકરી સાથે લગ્ન કરી લીધા. તેમણે કહ્યું કે છોકરી ગર્ભવતી થઈ અને 14 ફેબ્રુઆરીએ તેણે બાળકને જન્મ આપ્યો. અધિકારીએ જણાવ્યું હતું કે સ્થાનિક પોલીસ આ મામલાની તપાસ કરી રહી છે.
કિશોરીનો પીછો કરનાર યુવકની ધરપકડ
થાણે જિલ્લાના મીરા ભાઈંદર વસઈ વિરાર વિસ્તારમાં 17 વર્ષની છોકરીના ખાનગી ફોટા ફેલાવવા અને તેનો પીછો કરવા બદલ એક યુવકની ધરપકડ કરવામાં આવી છે. પોલીસે રવિવારે આ માહિતી આપી. પોલીસે જણાવ્યું હતું કે આરોપી રાજ સિંહ (22) એ ગયા વર્ષે છોકરી સાથે મિત્રતા કરી હતી અને તેણીને સોશિયલ મીડિયા દ્વારા પોતાના નગ્ન ફોટા મોકલવા દબાણ કર્યું હતું.
એક અધિકારીએ જણાવ્યું કે જ્યારે છોકરીએ તેને પોતાનો નગ્ન વિડીયો મોકલવાનો ઇનકાર કર્યો, ત્યારે તેણે તેનો પીછો કરવાનું શરૂ કર્યું. આ પછી, આરોપી સિંહે છોકરીનો વાંધાજનક ફોટો તેના મિત્રોને મોકલ્યો અને તેને બદનામ કરી.
