Lok Sabha Election : લોકસભા ચૂંટણી માટે સવારે સાત વાગ્યાથી મતદાન શરૂ થયું છે. ત્યારે બારડોલી લોકસભા બેઠક પર પ્રથમવાર મતદાન કરનાર યુવાનોમાં ઉત્સાહ જોવા મળી રહ્યો છે. લોકો વહેલી સવારથી મતદાન કરવા માટે લાઈનો લગાવીને હોશભેર મતદાન કરી રહ્યાં છે. શહેરી વિસ્તાર કરતાં ગ્રામ્ય વિસ્તારમાં મતદાનની ટકાવારી વધુ જોવા મળી રહી છે.
પરિવાર સાથે મતદાન
લોકસભાની ચૂંટણી શરૂ થયેલા મતદાનમાં બારડોલી લોકસભા બેઠકના ભાજપના ઉમેદવાર પ્રભુ વસાવા પરિવાર સાથે મતદાન કરવા નીકળ્યા હતાં. પ્રભુ વસાવાએ માંડવી નગરમાં આવેલા દશેરા પીપરડી ખાતેની આંગણવાડીમાં મતદાન કર્યું હતું. સાથે સૌ કોઈને વધુમાં વધુ મતદાન કરવા અપીલ કરાઈ હતી.
વહેલી સવારથી મતદાન
વહેલી સવારથી શરૂ થયેલા મતદાનમાં કોઈ અનિચ્છનિય બનાવ ન બને તે માટે પેરા મિલિટરી ફોર્સથી લઈને એસઆરપી અને પોલીસ કાફલાનો ચુસ્ત બંદોબસ્ત ગોઠવી દેવામાં આવ્યો છે. સવારથી મોટી સંખ્યામાં લોકો પહેલાં મતદાન પછી જલપાનના સંકલ્પ સાથે મતદાન કરી રહ્યાં છે.
