Bengal: પશ્ચિમ બંગાળના TMC નેતાની હત્યાના આરોપીની પોર્ટ બ્લેરમાંથી ધરપકડ કરવામાં આવી છે. બાબતે તપાસ ચાલુ છે. 27 એપ્રિલે બે જૂથો વચ્ચે થયેલી અથડામણમાં તેનું મોત થયું હતું.
કોલકાતાના ઉત્તરીય વિસ્તાર બગુઆટીમાં TMC નેતા સંજીવ દાસ પોટલાના જૂથ અને અન્ય જૂથ વચ્ચે ભીષણ અથડામણ થઈ હતી. તેમની પુત્રીએ ફરિયાદ નોંધાવી હતી અને જણાવ્યું હતું કે અર્જુનપુરા વેસ્ટ પરામાં અથડામણ થઈ હતી. મારામારી બાદ મામલો ઇંટો અને પથ્થરો ફેંકવા સુધી પહોંચી ગયો હતો. જેમાં સંજીવ દાસ ગંભીર રીતે ઘાયલ થયા હતા.
આ પછી તેને હોસ્પિટલ લઈ જવામાં આવ્યો. જોકે બાદમાં ડોક્ટરે તેને મૃત જાહેર કર્યો હતો. પોલીસે કહ્યું કે દાસના પરિવારનો આરોપ છે કે હત્યા પાછળ ટીએમસી કાર્યકરોનો હાથ હતો.
આ પછી પોલીસે કેસની તપાસ શરૂ કરી. પોલીસે જણાવ્યું કે આ ગુનો કર્યા બાદ આ કેસનો મુખ્ય આરોપી કપિલ વિમાનમાં પોર્ટ બ્લેર ભાગી ગયો હતો. તેની પાસે ન્યૂ ટાઉન અને તેની આસપાસ હોટલ છે. દક્ષિણ આંદામાનના એસપી નિહારિકા ભટ્ટે કહ્યું કે પશ્ચિમ બંગાળે આરોપીઓ વિશે માહિતી આપી હતી. અમે તરત જ શોધવાનું શરૂ કર્યું. પશ્ચિમ બંગાળથી પણ એક ટીમ અહીં મોકલવામાં આવી હતી.
બંને ટીમોએ સંયુક્ત ઓપરેશન કરીને કપિલની ધરપકડ કરી હતી. પોલીસે જણાવ્યું કે કપિત સહિત 18 લોકોની ધરપકડ કરવામાં આવી છે. કપિલને ટ્રાન્ઝિટ રિમાન્ડ પર પશ્ચિમ બંગાળ લઈ જવામાં આવ્યો હતો.
