નાણાકીય વર્ષ 2024-25 માટે ગુરુવારે સંસદમાં રજૂ કરવામાં આવેલા વચગાળાના બજેટમાં વિદેશ મંત્રાલયને કુલ 22,154 કરોડ રૂપિયાની ફાળવણી કરવામાં આવી હતી. ગયા વર્ષે તેનો ખર્ચ રૂ. 18,050 કરોડ હતો. ઈરાન સાથેના કનેક્ટિવિટી પ્રોજેક્ટ્સ પર ભારતનું ધ્યાન કેન્દ્રિત કરતાં, ચાબહાર પોર્ટ માટે 100 કરોડ રૂપિયાની ફાળવણી રાખવામાં આવી છે.
ભારતની ‘નેબરહુડ ફર્સ્ટ’ નીતિને અનુરૂપ, ‘સહાય આઇટમ’નો સૌથી મોટો હિસ્સો 2,068 કરોડ રૂપિયાની ફાળવણી સાથે ભૂટાનને આપવામાં આવ્યો છે. 2023-24માં હિમાલયન રાષ્ટ્ર માટે વિકાસ ખર્ચ રૂ. 2,400 કરોડ હતો.
ભારતની ‘નેબરહુડ ફર્સ્ટ’ નીતિને અનુરૂપ, ‘સહાય આઇટમ’નો સૌથી મોટો હિસ્સો 2,068 કરોડ રૂપિયાની ફાળવણી સાથે ભૂટાનને આપવામાં આવ્યો છે. 2023-24માં હિમાલયન રાષ્ટ્ર માટે વિકાસ ખર્ચ રૂ. 2,400 કરોડ હતો.
બજેટ દસ્તાવેજો અનુસાર, માલદીવની વિકાસ સહાય ગયા વર્ષના 770 કરોડ રૂપિયાની સરખામણીએ આ વર્ષે 600 કરોડ રૂપિયા રાખવામાં આવી છે. અફઘાનિસ્તાનના લોકો સાથે ભારતના વિશેષ સંબંધોને જાળવી રાખીને તેના માટે 200 કરોડ રૂપિયાની બજેટરી સહાય નક્કી કરવામાં આવી છે. બાંગ્લાદેશને વિકાસ સહાય તરીકે 120 કરોડ રૂપિયા જ્યારે નેપાળને 700 કરોડ રૂપિયા આપવામાં આવશે.
બજેટ દસ્તાવેજો અનુસાર, શ્રીલંકાને 75 કરોડ રૂપિયાની વિકાસ સહાય મળશે, જ્યારે મોરેશિયસ માટે 370 કરોડ રૂપિયા અને મ્યાનમાર માટે 250 કરોડ રૂપિયાની વિકાસ સહાય રકમ નક્કી કરવામાં આવી છે. આફ્રિકન દેશો માટે 200 કરોડ રૂપિયાની સહાય રકમ અલગ રાખવામાં આવી છે. લેટિન અમેરિકન અને યુરેશિયન દેશો અને પ્રદેશો માટે કુલ વિકાસ સહાય 4,883 કરોડ રૂપિયા નક્કી કરવામાં આવી છે.
