બાંગ્લાદેશ અને પાકિસ્તાન સામે જીત મેળવ્યા બાદ, ટીમ ઈન્ડિયા હવે 2 માર્ચે ન્યુઝીલેન્ડ સામે ટકરાશે. જે પહેલા ટીમ ઈન્ડિયા તેના ઘણા ખેલાડીઓની નબળી ફિટનેસથી પરેશાન દેખાતી હતી. હવે લીગ સ્ટેજની છેલ્લી મેચ પહેલા ટીમ ઈન્ડિયાના કેપ્ટન રોહિત શર્માનું ફિટનેસ અપડેટ બહાર આવ્યું છે. એ સ્પષ્ટ થઈ ગયું છે કે રોહિત ન્યૂઝીલેન્ડ સામેની પ્લેઇંગ ૧૧નો ભાગ રહેશે કે નહીં?
રોહિત શર્માની ફિટનેસ અંગે અપડેટ
પાકિસ્તાન સામેની મેચ બાદ ભારતીય કેપ્ટન રોહિત શર્મા સંપૂર્ણપણે ફિટ નહોતો. આવી સ્થિતિમાં, એવા અહેવાલો આવી રહ્યા હતા કે હિટમેન ન્યુઝીલેન્ડ સામેની મેચ માટે પ્લેઇંગ ૧૧માંથી બહાર થઈ શકે છે. બુધવારે, રોહિતે પ્રેક્ટિસ ન કરવાનો નિર્ણય લીધો અને તે અન્ય ખેલાડીઓ પર ધ્યાન કેન્દ્રિત કરતો જોવા મળ્યો. હવે ટીમ ઈન્ડિયાના સહાયક કોચ રાયન ટેન ડોશેટે હિટમેનની ફિટનેસ અંગે અપડેટ આપતા કહ્યું, ‘તે એકદમ ઠીક છે.’ તેને આ ઈજા પહેલા પણ થઈ ચૂકી છે અને તે જાણે છે કે તેને કેવી રીતે મેનેજ કરવી.
રોહિત પ્લેઇંગ ૧૧માં રમશે કે નહીં?
કોચ રાયન ટેન ડોશેટે ભલે રોહિત શર્માની ફિટનેસ અંગે અપડેટ આપ્યું હોય, પરંતુ તેમણે પ્લેઇંગ ૧૧માં તેનું સ્થાન જાહેર કર્યું નથી. ફિટ થયા પછી, કેપ્ટન રોહિત શર્મા સેમિફાઇનલ પહેલા આરામ કરવાનું જોખમ લેશે નહીં અને ન્યુઝીલેન્ડ સામે રમતા જોઈ શકાય છે.
કેપ્ટન રોહિત શર્મા પહેલા મોહમ્મદ શમી, ઋષભ પંત અને શુભમન ગિલની ફિટનેસ પર પ્રશ્નો ઉભા થયા હતા. જોકે, 2 માર્ચ પહેલા, બધા ખેલાડીઓ સંપૂર્ણપણે ફિટ હોય તેવું લાગે છે. શુક્રવારે હિટમેને નેટમાં ઘણો સમય વિતાવ્યો. ટીમ ઈન્ડિયા 2 માર્ચે ન્યુઝીલેન્ડ સામેની મેચ તેમજ 4 માર્ચે યોજાનારી સેમિફાઇનલ મેચ માટે તૈયારી કરી રહી છે.
