કંગનાએ લાંબી પોસ્ટ કરીને પોતાનો ગુસ્સો ઠાલવ્યો.કંગના રનૌતના નીના ગુપ્તાની દીકરી પર ગંભીર આરોપ મુક્યો.મસાબા ગુપ્તાએ રામ જન્મભૂમિ દર્શનમાં પહોંચતા પહેલા જ પોતાના લેબલની સાડી આપવાનો ઇનકાર કરી દીધો હતો : કંગના.કંગના રનૌતે તાજેતરમાં નીના ગુપ્તાની દીકરી અને ફેશન ડિઝાઇનર મસાબા ગુપ્તા પર ગંભીર આરોપો લગાવ્યા છે. કંગનાએ કહ્યું છે કે, મસાબા ગુપ્તાએ રામ જન્મભૂમિ દર્શનમાં પહોંચતા પહેલા જ પોતાના લેબલની સાડી આપવાનો ઇનકાર કરી દીધો હતો. જ્યારે એક્ટ્રેસ તે સાડી પહેરીને ઇવેન્ટ માટે રવાના થઈ ચૂકી હતી. કંગનાને આનાથી ખૂબ અપમાનિત અનુભવ થયું, જેના પછી તે ખૂબ રડી હતી.કંગનાએ તાજેતરમાં સોશિયલ મીડિયા પ્લેટફોર્મ એક્સ (પહેલા ટ્વિટર) પર આ ઘટનાનો ઉલ્લેખ કરતા લખ્યું છે, ‘ડિઝાઇનર્સ ત્યારે ખૂબ ખુશ થાય છે, જ્યારે તેમના કપડાં કોઈ સેલિબ્રિટી પર દેખાય છે. શું તમે ક્યારેય જાેયું કે, મસાબા ગુપ્તા કે તેમની બ્રાન્ડે આ (મારી) તસવીરોનો ઉપયોગ કર્યાે હોય? આ તસવીરો ઇન્ટરનેટ પર બધે હતી. તો પછી તેમણે આનો ઉપયોગ કેમ ન કર્યાે? કે પછી સ્ટાઈલિસ્ટે તેમને ટેગ કેમ ન કર્યા?’આગળ કંગનાએ કહ્યું, ‘તે દિવસોમાં મારી ફિલ્મ ‘તેજસ’ રિલીઝ થવાની હતી, તેથી હું રામ જન્મભૂમિના દર્શન કરવા માંગતી હતી. મેં તે જ સ્ટાઈલિસ્ટને વિનંતી કરી, જે મને ‘તેજસ’ના ઇવેન્ટ્સ માટે સ્ટાઇલ કરી રહી હતી કે, તેઓ દર્શન યાત્રામાં પણ મારી મદદ કરે. (ડિઝાઇનરને પ્રોડક્શન હાઉસે હાયર કર્યા હતા). મને એ વાતથી ફરક પડતો નથી કે ઘણા સ્ટાઈલિસ્ટ અને ડિઝાઇનરોએ મને તેમના સોશિયલ મીડિયા હેન્ડલ્સ પરથી બેન કરી દીધી છે, પરંતુ આ ઘટનાએ મને સૌથી વધુ દુ:ખ પહોંચાડ્યું.’છેલ્લે કંગનાએ કહ્યું, ‘મસાબાએ પ્રમોશન માટે સ્ટાઈલિસ્ટને કપડાં મોકલ્યા હતા, પરંતુ જેવું તેમને કહેવામાં આવ્યું કે આ રામ જન્મભૂમિ માટે છે, તેમણે સ્ટાઈલિસ્ટને કહી દીધું કે તેમના કપડાંનો ઉપયોગ ન કરવામાં આવે. સ્ટાઈલિસ્ટ એક ખૂબ જ સારી અને સાચી મહિલા છે. તેમને ખૂબ શરમ અનુભવાઈ અને તેમણે ચૂપચાપ મને કહ્યું કે, હું મસાબા કે તેમના બ્રાન્ડને ટેગ ન કરું. તેમણે એ પણ જણાવ્યું કે, તેમણે તે સાડી પોતાના પૈસાથી ખરીદી લીધી છે, જેથી મને ખરાબ ન લાગે. પરંતુ ત્યાં સુધીમાં ઘણું મોડું થઈ ગયું હતું.’‘હું તૈયાર થઈ ચૂકી હતી અને રામ જન્મભૂમિ માટે નીકળી પણ ચૂકી હતી. આ બધું સમજવું મારા માટે ખૂબ મુશ્કેલ હતું.
આટલી નફરત, આટલી કડવાશ, આટલો પૂર્વગ્રહ, ઉફપ કેટલું કદરૂપું. આજે પણ આ બધું વિચારીને મારું હૃદય ગભરાઈ જાય છે અને તબિયત ખરાબ જેવી થઈ જાય છે.’કંગનાનું આ નિવેદન ત્યારે સામે આવ્યું છે, જ્યારે તાજેતરમાં એ.આર. રહેમાને કહ્યું કે સાંપ્રદાયિક કારણોસર તેમને બોલિવૂડમાં કામ મળતું નથી. કંગનાએ એ.આર. રહેમાનના નિવેદનની ટીકા કરી અને કહ્યું કે, તેની સાથે પણ ઇન્ડસ્ટ્રીમાં ભેદભાવ થતો રહ્યો છે. એ.આર. રહેમાને પણ ‘ઇમરજન્સી’ માટે તેમને મળવાનો ઇનકાર કરી દીધો હતો.આ સાથે જ કંગનાએ મસાબા ગુપ્તા પર આરોપ લગાવ્યા હતા. તેણે કહ્યું હતું કે, ‘મોટા-મોટા ડિઝાઇનરો, જે ક્યારેક મને પોતાનું કલેક્શન લોન્ચ કરવા માટે ‘ળી ફંડ’ જેવા કેમ્પેનમાં આજીજી કરતા હતા અને પોતાને મારા સૌથી સારા મિત્ર ગણાવતા હતા, પછીથી મારા સ્ટાઈલિસ્ટને કપડાં આપવાની ના પાડી દેતા હતા. પછી તેમણે મારી સાથે વાત કરવાનું પણ બંધ કરી દીધું અને મારા વિશે પોસ્ટ કરવાનું પણ. પરંતુ એક ઘટના હું ક્યારેય ભૂલી શકતી નથી. જ્યારે હું રામ જન્મભૂમિ માટે મસાબા ગુપ્તાની સાડી પહેરી રહી હતી, ત્યારે તેમણે સ્ટાઈલિસ્ટને કહી દીધું કે હું તેમની સાડીમાં રામ જન્મભૂમિ જઈ શકતી નથી.’
