Delhi University : દિલ્હી યુનિવર્સિટીથી લઇ શકશો એક સાથે આટલી ડિગ્રી

Delhi University : દિલ્હી યુનિવર્સિટી (DU)ની એકેડેમિક કાઉન્સિલની શુક્રવારે બેઠક મળી હતી જેમાં ઘણા મોટા નિર્ણયો લેવામાં આવ્યા હતા. હવે ડીયુમાં એક સાથે બે ડિગ્રી લઈ શકાશે. કાઉન્સિલે નિર્ણય લીધો છે કે નવી સિસ્ટમ મુજબ, વિદ્યાર્થીઓ એક ડિગ્રી નિયમિત કોર્સ દ્વારા અને બીજી ઓપન લર્નિંગ મોડ દ્વારા તે જ સમયે પૂર્ણ કરી શકશે. આ ઉપરાંત હવે પ્રથમ વખત ડીયુમાં અંડરગ્રેજ્યુએટ સ્તરે રશિયન ભાષા પણ શીખવવામાં આવશે.

ડિસેમ્બર 2023માં એકેડેમિક કાઉન્સિલ દ્વારા ડ્યુઅલ ડિગ્રી અંગેના પ્રસ્તાવને મંજૂરી આપવામાં આવી હતી. આ અંતર્ગત વિદ્યાર્થીઓને એક સાથે બે શૈક્ષણિક કાર્યક્રમોમાં જોડાવા દેવાની હતી. પ્રથમ તબક્કામાં, યુનિવર્સિટી વિદ્યાર્થીઓને એક ડિગ્રી નિયમિત અને એક ડિગ્રી ડિસ્ટન્સ લર્નિંગ દ્વારા પૂર્ણ કરવાની મંજૂરી આપવાની યોજના ધરાવે છે. જોકે, એક વર્ગે આ પ્રસ્તાવનો વિરોધ પણ કર્યો હતો. તેમણે કહ્યું કે આનાથી શિક્ષણની ગુણવત્તા પર અસર થશે.

વાઇસ ચાન્સેલરે મનુ સ્મૃતિના પ્રસ્તાવને ફગાવી દીધો હતો

અગાઉ દિલ્હી યુનિવર્સિટીના કાયદા ફેકલ્ટીના અભ્યાસક્રમોમાં પણ મનુસ્મૃતિનો સમાવેશ કરવાની વાત થઈ હતી. પરંતુ તેને નકારી કાઢવામાં આવ્યો હતો. કેન્દ્રીય શિક્ષણ પ્રધાન ધર્મેન્દ્ર પ્રધાનના જણાવ્યા અનુસાર, આ પ્રસ્તાવને ડીયુના વાઇસ ચાન્સેલર પ્રોફેસર યોગેશ સિંહે ફગાવી દીધો હતો. તમને જણાવી દઈએ કે દિલ્હી યુનિવર્સિટીના કાયદાના વિદ્યાર્થીઓના અભ્યાસક્રમમાં તેમના ઓનલાઈન પોર્ટલ પર મનુસ્મૃતિ પરના પુસ્તકો ઉમેરવામાં આવ્યા હતા. જોકે, બાદમાં આને પોર્ટલ પરથી હટાવી દેવામાં આવ્યા હતા.