પાકિસ્તાનથી ભારત મોકલ્યા ખતરનાક હથિયાર દિલ્હીમાં બંદૂકોનો મોટો જથ્થો ઝડપી પાડવામાં આવ્યો આ ગેંગ સાથે સંકળાયેલા ચાર આરોપીઓની ધરપકડ
દિલ્હી પોલીસ ક્રાઈમ બ્રાન્ચે એક મોટા આંતરરાષ્ટ્રીય હથિયાર દાણચોરી રેકેટનો પર્દાફાશ કર્યો છે.
પોલીસે આ ગેંગ સાથે સંકળાયેલા ચાર આરોપીઓની ધરપકડ કરી છે, જેઓ પાકિસ્તાનથી ડ્રોન દ્વારા કુખ્યાત ગેંગસ્ટરોને મોકલવામાં આવેલા અત્યાધુનિક હથિયારો સપ્લાય કરવાનો પ્રયાસ કરી રહ્યા હતા.
પોલીસના જણાવ્યા અનુસાર, હથિયારોનો આ જથ્થો પંજાબ દ્વારા ભારત લાવવામાં આવ્યો હતો અને લોરેન્સ બિશ્નોઈ, બંબીહા, ગોગી અને હિમાંશુ ભાઉ ગેંગને સપ્લાય કરવાનો હતો. જપ્ત કરાયેલા હથિયારોમાં તુર્કી અને ચીનમાં બનેલા હાઇટેક હથિયારોનો સમાવેશ થાય છે. ધરપકડ કરાયેલા આરોપીઓની ઓળખ મનદીપ, દલવિંદર, રોહન અને અજય ઉર્ફે મોનુ તરીકે થઈ છે. તે બધા પંજાબ, ઉત્તર પ્રદેશ અને દિલ્હીના રહેવાસી હોવાનું કહેવાય છે.
ક્રાઈમ બ્રાન્ચને માહિતી મળી હતી કે, કેટલાક દાણચોરો હથિયારોનો મોટો જથ્થો પહોંચાડવા માટે દિલ્હીમાં આવવાના છે. ત્યારબાદ, રોહિણી વિસ્તારમાં છટકું ગોઠવવામાં આવ્યું હતું અને આરોપીઓને પકડી લેવામાં આવ્યા હતા. પોલીસે ઘટનાસ્થળેથી મોટી માત્રામાં અત્યાધુનિક હથિયારો જપ્ત કર્યા છે અને સમગ્ર નેટવર્કની તપાસ કરી રહી છે.
ધરપકડ કરાયેલા આરોપીઓ પંજાબ અને ઉત્તર પ્રદેશના રહેવાસી છે. પોલીસે જણાવ્યું કે, હથિયારોનો આ મોટો જથ્થો દિલ્હીના રોહિણી વિસ્તારમાંથી જપ્ત કરવામાં આવ્યો છે.
ક્રાઈમ બ્રાન્ચને માહિતી મળી હતી કે, કેટલાક દાણચોરો રાજધાનીમાં હથિયારો સપ્લાય કરવાની યોજના બનાવી રહ્યા છે. ત્યારબાદ, ટીમે ઘટનાસ્થળે છટકું ગોઠવ્યું અને આરોપીઓની ધરપકડ કરી હતી.
