રનવે પર જામ્યા બરફના થર શ્રીનગર એરપોર્ટ પર હિમવર્ષાનો કહેર, તમામ ફ્લાઇટ રદ કરાઇ.વહીવટીતંત્રે કુલ ૫૮ ફ્લાઇટ્સ રદ કરી છે, જેમાં શ્રીનગર આવનારી ૨૯ ફ્લાઇટ્સ અને શ્રીનગરથી રવાના થતી ૨૯ ફ્લાઇટ્સનો સમાવેશ થાય છેશ્રીનગર આંતરરાષ્ટ્રીય એરપોર્ટના રનવે પર નબળી દૃશ્યતા અને બરફ જમા થવાને કારણે, અધિકારીઓએ આજની બધી ફ્લાઇટ્સ રદ કરવાનો ર્નિણય લીધો છે
મંગળવારે ૨૭ જાન્યુઆરી કાશ્મીર ખીણમાં ભારે અને સતત હિમવર્ષાથી હવાઈ ટ્રાફિક સંપૂર્ણપણે ખોરવાઈ ગયો છે. શ્રીનગર આંતરરાષ્ટ્રીય એરપોર્ટના રનવે પર નબળી દૃશ્યતા અને બરફ જમા થવાને કારણે, અધિકારીઓએ આજની બધી ફ્લાઇટ્સ રદ કરવાનો ર્નિણય લીધો છે. આ ર્નિણયથી ખીણની મુલાકાત લેતા સેંકડો પ્રવાસીઓ ફસાયેલા છે.
એરપોર્ટ ઓથોરિટી ઓફ ઈન્ડિયા (AAI) ના અધિકારીઓએ જણાવ્યું હતું કે પ્રતિકૂળ હવામાન પરિસ્થિતિઓને કારણે, રનવે હાલમાં સલામત વિમાન સંચાલન માટે અયોગ્ય છે.
સલામતીના ધોરણોને સર્વોચ્ચ પ્રાથમિકતા આપતા, વહીવટીતંત્રે કુલ ૫૮ ફ્લાઇટ્સ રદ કરી છે, જેમાં શ્રીનગર આવનારી ૨૯ ફ્લાઇટ્સ અને શ્રીનગરથી રવાના થતી ૨૯ ફ્લાઇટ્સનો સમાવેશ થાય છે.
એરપોર્ટના એક અધિકારીએ જણાવ્યું હતું કે, “રનવે પર સતત બરફ જામી રહ્યો છે, જેના કારણે વિમાન લપસી પડવાનું જાેખમ છે. હવામાન સુધરતા અને રનવેને સલામત જાહેર થતાં જ ફ્લાઇટ કામગીરી ફરી શરૂ થશે.” હાલમાં, રનવે પરથી બરફ સાફ કરવા માટે એરપોર્ટ મશીનરી અને ગ્રાઉન્ડ સ્ટાફને તૈનાત કરવામાં આવ્યા છે.
ફ્લાઇટ્સ રદ કરવાથી સપ્તાહના અંતે અને પ્રજાસત્તાક દિવસની રજા ગાળવા કાશ્મીર આવેલા પ્રવાસીઓને મોટો ફટકો પડ્યો છે. ઘરે પાછા ફરવાની યોજના બનાવી રહેલા સેંકડો પ્રવાસીઓ હવે શ્રીનગર અને આસપાસના વિસ્તારોમાં ફસાયેલા છે. ઘણા પ્રવાસીઓએ સોશિયલ મીડિયા પર પોતાની ચિંતાઓ શેર કરી છે, ફ્લાઇટ રિશેડ્યુલમાં વિલંબ અંગે ફરિયાદ કરી છે.
અધિકારીઓએ મુસાફરોને સલાહ આપી છે કે તેઓ એરપોર્ટ જતા પહેલા તેમની સંબંધિત એરલાઇન્સનો સંપર્ક કરે અને નવીનતમ ફ્લાઇટ સ્ટેટસ મેળવે. એરલાઇન્સને મુસાફરોને વૈકલ્પિક વ્યવસ્થા અથવા રિફંડ આપવા માટે પણ સૂચના આપવામાં આવી છે.
હવામાન કેન્દ્રે આગાહી કરી છે કે આગામી ૨૪ કલાક સુધી ખીણના ઊંચાઈવાળા અને મેદાની વિસ્તારોમાં હિમવર્ષા ચાલુ રહેશે. પરિણામે, બુધવારે પણ હવાઈ અને માર્ગ ટ્રાફિક ખોરવાઈ રહેવાની ધારણા છે. વહીવટીતંત્રે સ્થાનિકો અને પ્રવાસીઓને બિનજરૂરી મુસાફરી ટાળવાની સલાહ આપી છે.
