ઉત્તરાખંડના હલ્દવાનીમાં અનુસૂચિત જાતિ વિરોધી ટિપ્પણી કરવા બદલ રાહુલ ગાંધી વિરુદ્ધ FIR દાખલ ફરિયાદમાં અનુસૂચિત જાતિઓ વિરુદ્ધ જાતિવાદી અપશબ્દોનો ઉપયોગ કરવાનો આરોપ છે ઉત્તરાખંડના હલ્દવાનીમાં રામલીલા મેદાનમાં શુદ્ધિકરણ સમારોહમાં હવે નવો વળાંક આવ્યો છે. શ્રી રામ સેના ચેરિટેબલ સર્વિસ ટ્રસ્ટ દ્વારા દાખલ કરવામાં આવેલી ફરિયાદના આધારે પોલીસે રાહુલ ગાંધી વિરુદ્ધ કેસ નોંધ્યો છે. ફરિયાદ કરનારાઓમાં વિનોદ આર્ય અને અમિત કુમારનો સમાવેશ થાય છે, જે બંને રામલીલા મેદાનમાં શુદ્ધિકરણ સમારોહ યોજનાર ટ્રસ્ટના સભ્યો હોવાનું કહેવાય છે.શુદ્ધિકરણ કાર્યક્રમનું આયોજન કરનાર શ્રી રામ સેના ચેરિટેબલ સર્વિસ ટ્રસ્ટના સભ્ય વિનોદ આર્યએ જણાવ્યું હતું કે, “ફરિયાદમાં જણાવાયું છે કે રાહુલ ગાંધી આરોપ લગાવી રહ્યા છે કે અમે એક ચોક્કસ વ્યક્તિ માટે શુદ્ધિકરણ કર્યું છે, પરંતુ તે સાચું નથી. તે ભગવાન રામનો દરબાર છે, અને અમે ફક્ત તેને સાફ કર્યું છે. ફક્ત રાહુલ ગાંધી જ સમજાવી શકે છે કે તેઓ તેને કયા દ્રષ્ટિકોણથી આપી રહ્યા છે.”વિનોદ આર્યએ કહ્યું, “રાહુલ ગાંધી માંગ કરી રહ્યા છે કે અમારી સામે કેસ દાખલ કરવામાં આવે, હ્લૈંઇ દાખલ કરવામાં આવે. અમે તેમને કહેવા આવ્યા છીએ કે અમે પોતે એક દલિત પરિવારમાંથી છીએ અને કોઈને દુ:ખ પહોંચાડવા માટે કંઈ કર્યું નથી. અમે અમારા ફરિયાદ પત્રમાં જણાવ્યું છે કે અમે કોઈ જાતિવાદી શબ્દોનો ઉપયોગ કર્યાે નથી. જાે રાહુલ ગાંધી આ કહી રહ્યા છે, તો તે ખોટું છે.”ફરિયાદમાં અનુસૂચિત જાતિઓ વિરુદ્ધ જાતિવાદી અપશબ્દોનો ઉપયોગ કરવાનો આરોપ છે. ફરિયાદીઓએ માંગ કરી છે કે પોલીસ આ મામલાની તપાસ કરે અને રાહુલ ગાંધી સામે કાયદેસરની કાર્યવાહી કરે. હવે બધાની નજર આ કેસમાં પોલીસ શું કાર્યવાહી કરે છે તેના પર છે.લોકસભામાં વિપક્ષના નેતા રાહુલ ગાંધી વિરુદ્ધ ઉત્તરાખંડના હલ્દવાની સિટી કોતવાલીમાં એફઆઈઆર દાખલ કરવામાં આવી છે. આ એફઆઈઆર બીએનએસએસની કલમ ૧૯૬ અને ૨૯૯ તેમજ એસસી/એસટી એક્ટ, ૧૯૮૯ ની કલમ ૩(૧) હેઠળ નોંધાયેલી છે. અનુસૂચિત જાતિ સમુદાયના સભ્ય અમિત કુમારની ફરિયાદના આધારે આ કેસ દાખલ કરવામાં આવ્યો હતો, જેમણે આરોપ લગાવ્યો હતો કે રાહુલ ગાંધીની ટિપ્પણીઓ અનુસૂચિત જાતિ સમુદાયની લાગણીઓને ઠેસ પહોંચાડે છે.હલ્દવાની રામલીલા મેદાનમાં કોંગ્રેસ પ્રમુખ મલ્લિકાર્જુન ખડગેની રેલી પછી થયેલા કથિત શુદ્ધિકરણ સમારોહને લઈને હલ્દવાનીમાં રાજકીય ઉથલપાથલ સતત વધી રહી છે. રવિવારે સાંજે, કોંગ્રેસે મેદાનમાં મૌન વિરોધ પ્રદર્શન કર્યું. વરસાદ છતાં, કોંગ્રેસના નેતાઓ અને કાર્યકરો વિરોધ સ્થળ પર રહ્યા અને જવાબદારો સામે કાયદેસરની કાર્યવાહીની માંગ કરી.આ મૌન વિરોધ દ્વારા કોંગ્રેસે સંદેશ આપવાનો પ્રયાસ કર્યાે કે તે આ મુદ્દા પર પાછળ નહીં હટે. કોંગ્રેસના મૌન વિરોધ બાદ, આગામી દિવસોમાં આ મુદ્દા પર રાજકીય મુકાબલો વધુ તીવ્ર બનવાની શક્યતા છે.
