આભા અને જાઝાનમાં ઈમરજન્સી એલર્ટ મિસાઇલ-ડ્રોન હુમલાથી સાઉદી અરેબિયામાં દહેશત આભા અને તાઇફ સહિતના અનેક દક્ષિણી શહેરોમાં ઇમરજન્સી એલર્ટ જાહેર કર્યું છે, જેમાં જેદ્દાહ અને જજાન જેવા મહત્ત્વના શહેરો પણ સામેલ છે યમનના હૂથી વિદ્રોહીઓએ સાઉદી અરેબિયા પર ફરી એકવાર ભીષણ હુમલો કર્યો છે. હૂથીઓએ દાવો કર્યો છે કે તેમણે દક્ષિણ-પશ્ચિમ સાઉદી અરેબિયાના ખમીસ મુશૈત ખાતે ડઝનેક મિસાઈલો અને ડ્રોન દાગ્યા છે, જેમાં એક સૈન્ય એરબેઝને ખાસ નિશાન બનાવવામાં આવ્યું છે.
આ હુમલાઓને કારણે ૧૩ નાગરિકોના ઇજાગ્રસ્ત થયા હોવાના અહેવાલ સામે આવ્યા છે. જાેકે, સાઉદી સિવિલ ડિફેન્સે બાદમાં પુષ્ટિ કરી હતી કે હવે ખતરો ટળી ગયો છે. સુરક્ષાને ધ્યાનમાં રાખીને સાઉદી અધિકારીઓએ ખમીસ મુશૈત, આભા અને તાઇફ સહિતના અનેક દક્ષિણી શહેરોમાં ઇમરજન્સી એલર્ટ જાહેર કર્યું છે, જેમાં જેદ્દાહ અને જજાન જેવા મહત્ત્વના શહેરો પણ સામેલ છે.
સાઉદી અરેબિયાના સિવિલ ડિફેન્સે લાલ સમુદ્રના તટીય વિસ્તારોમાં આવેલા યનબૂ અને તાઇફ શહેરોમાં ખતરાના સાયરન વાગ્યાની પુષ્ટિ કરી છે. આ ગંભીર પરિસ્થિતિને જાેતા જેદ્દાહ એરપોર્ટ પર ઉડાનોને પણ અસ્થાયી રૂપે રોકી દેવામાં આવી છે. હાલમાં રિયાધમાં આ હુમલાઓથી નિપટવા માટે ઉચ્ચ સ્તરીય કટોકટી બેઠકોનો દોર ચાલી રહ્યો છે.
તાજેતરમાં સાઉદી અરેબિયાએ યમનમાં એર સ્ટ્રાઈક કરી હતી, જેમાં વિમાન હેંગર, રડાર સિસ્ટમ, રનવે અને ગોળા-બારૂદના ડિપોને નિશાન બનાવાયા હતા. હવે હૂથીઓએ પોતાના તાજેતરના હુમલાઓને આ જ કાર્યવાહીનો પલટવાર ગણાવ્યો છે.
લાલ સમુદ્રના પ્રવેશદ્વાર પર આવેલા પેરીમ દ્વીપ પર કબજા સાથે હૂથીઓની આ નવી ગતિવિધિઓએ સાઉદી અરેબિયાની ઓઇલ નિકાસ પરનું દબાણ વધારી દીધું છે. અગાઉ એક હવાઈ હુમલાના કારણે સાઉદી અરેબિયાની ઈસ્ટ-વેસ્ટ પાઇપલાઇન ઠપ થઈ ગઈ હતી. જાે આ પાઇપલાઇન લાંબો સમય બંધ રહે, તો ગ્લોબલ ઓઇલ સપ્લાયમાં ૪ ટકા સુધીનો ઘટાડો થઈ શકે છે, જેના કારણે ક્રૂડ ઓઇલની કિંમતોમાં ૪ ટકાથી વધુનો ઉછાળો જાેવા મળ્યો છે.
અમેરિકાએ અત્યાર સુધી સાઉદી અરેબિયાની પ્રત્યક્ષ સૈન્ય હસ્તક્ષેપની માંગ સ્વીકારી નથી અને માત્ર ગુપ્તચર (ઇન્ટેલિજન્સ) મદદ આપી રહી છે. અમેરિકન પ્રમુખ ડોનાલ્ડ ટ્રમ્પે જણાવ્યું કે હૂથીઓએ પણ અમેરિકાને આ લડાઈથી દૂર રહેવાની ચેતવણી આપી છે. આ દરમિયાન સાઉદી ક્રાઉન પ્રિન્સ મોહમ્મદ બિન સલમાને જેદ્દાહ ખાતે અમેરિકન ક્ષેત્રીય કમાન્ડર એડમિરલ બ્રેડ કૂપર સાથે મુલાકાત કરીને આ સુરક્ષા મુદ્દાઓ પર ચર્ચા કરી છે.
