કાન્સ હવે સંપૂર્ણપણે સ્પોન્સરશિપનો ખેલ બની ગયો છે લોકો કાન્સ ફિલ્મ ફેસ્ટિવલની રેડ કાર્પેટ ઉપર વોક કરવા નાણાં ચૂકવે છે! ફેશન પત્રકાર સુજાતા અસોમુલે કાન્સ ફિલ્મ ફેસ્ટિવલની બદલાતી સંસ્કૃતિ અને રેડ કાર્પેટ પર વધતી સ્પોન્સરશિપની ભૂમિકાને લઈને ચોંકાવનારો દાવો કર્યાે પ્રખ્યાત ફેશન જર્નાલિસ્ટ સુજાતા અસોમુલે કાન્સ ફિલ્મ ફેસ્ટિવલની બદલાતી પરંપરા અને રેડ કાર્પેટ પર બ્રાન્ડ્સ તથા સ્પોન્સરશિપના વધતા પ્રભાવ વિશે ખુલ્લેઆમ પોતાના વિચારો વ્યક્ત કર્યા છે. Vogue અને Harper’s Bazaar જેવી જાણીતી મેગેઝીનો સાથે કામ કરી ચૂકેલી અસોમુલે કહ્યું કે વર્ષાે દરમિયાન આ વૈશ્વિક પ્રતિષ્ઠિત ફિલ્મ મહોત્સવ સિનેમા-કેન્દ્રિત ઇવેન્ટમાંથી એક મોટા માર્કેટિંગ પ્લેટફોર્મમાં બદલાઈ ગયો છે. કાન્સ વિશે વાત કરતાં અસોમુલે કહ્યું, “કાન્સ હવે સંપૂર્ણપણે સ્પોન્સરશિપનો ખેલ બની ગયો છે. મને યાદ છે તેવો કાન્સ હવે રહ્યો નથી. સ્પોન્સર્સે વિચારવું જાેઈએ કે તેઓ કોને કાન્સ લઈ જઈ રહ્યા છે અને શા માટે લઈ જઈ રહ્યા છે. પરંતુ શું તમને ખબર છે કે હવે કાન્સ ફિલ્મ ફેસ્ટિવલના રેડ કાર્પેટ પર ચાલવા માટે લોકો સ્પોન્સર્સને પૈસા ચૂકવી રહ્યા છે? હા, અત્યારે આવું જ થઈ રહ્યું છે.”તેમના આ નિવેદન પછી આંતરરાષ્ટ્રીય ફિલ્મ મહોત્સવોના વધતા વ્યાપારીકરણ અંગે ફરી ચર્ચા શરૂ થઈ છે, ખાસ કરીને ત્યારે જ્યારે ઇન્ફ્લુએન્સર કલ્ચર, લક્ઝરી બ્રાન્ડિંગ અને સેલિબ્રિટી માર્કેટિંગ વૈશ્વિક સ્તરે રેડ કાર્પેટ ઇવેન્ટ્સમાં હાવી થઈ રહ્યા છે.છેલ્લા કેટલાક વર્ષાેમાં કાન્સમાં ઇન્ફ્લુએન્સર્સ, ડિજિટલ ક્રિએટર્સ, ફેશન જગતની હસ્તીઓ અને ફિલ્મ જગતથી બહારના સેલિબ્રિટીઓની હાજરીમાં નોંધપાત્ર વધારો જાેવા મળ્યો છે. તેઓ બ્યુટી, જ્વેલરી અથવા લક્ઝરી ફેશન બ્રાન્ડ્સની ભાગીદારી દ્વારા કાર્યક્રમમાં હાજરી આપે છે. જાેકે કાન્સ આજે પણ વૈશ્વિક સિનેમાના સૌથી પ્રતિષ્ઠિત મંચોમાંનું એક છે, તેમ છતાં તેનો રેડ કાર્પેટ હવે બ્રાન્ડ્સ માટે સોશિયલ મીડિયા વિઝિબિલિટી અને પ્રચાર મેળવવાનું મોટું માધ્યમ બની ગયો છે.અસોમુલની ટિપ્પણીઓએ સેલિબ્રિટીઓની હાજરી પાછળ બદલાતી વ્યવસ્થાઓ પર પણ પ્રકાશ પાડ્યો છે, જ્યાં બ્રાન્ડ કોલેબોરેશન અને સ્પોન્સરશિપ ઘણીવાર હાઈ-પ્રોફાઇલ રેડ કાર્પેટ એક્સેસ નક્કી કરે છે. ખાસ કરીને લોકો કાન્સમાં હાજરી માટે સ્પોન્સર્સને પૈસા ચૂકવે છે એવો તેમનો દાવો સોશિયલ મીડિયા પર ભારે ચર્ચાનો વિષય બન્યો છે. ઘણા લોકો હવે ચર્ચા કરી રહ્યા છે કે શું આ ફિલ્મ મહોત્સવનું કેન્દ્ર હવે ફિલ્મો અને ફિલ્મમેકિંગથી હટી ગયું છે કે નહીં.
