છઠ્ઠ પર્વની ઉજવણીમાં મૌની રોય મુંબઈથી પટના પહોંચી મૌનીએ દીઘા ઘાટ પર કરી છઠ્ઠ પૂજા ગોલ્ડન સાડી અને હાથમાં પૂજાનો ટોપલો લઈને અભિનેત્રીનો પરંપરાગત અંદાજ સોશિયલ મીડિયા પર વાયરલ થયા છઠ્ઠનો તહેવાર માત્ર બિહારમાં જ નહીં, પરંતુ આજે વિદેશોમાં પણ ખૂબ જ ધામધૂમથી ઉજવવામાં આવે છે. આ અવસર પર ચારેય બાજુ આસ્થા અને ભક્તિનો માહોલ જાેવા મળી રહ્યો છે. સામાન્ય લોકોથી લઈને બોલિવૂડ સ્ટાર્સ સુધી, દરેક વ્યક્તિ આ મહાપર્વના રંગમાં રંગાયેલી જાેવા મળી રહી છે. ઘણા સ્ટાર્સ આ તહેવારને પૂરી આસ્થા સાથે ઉજવે છે. એવામાં અભિનેત્રી મૌની રોય પણ છઠ્ઠની ઉજવણી કરવા માટે મુંબઈથી પટના પહોંચી હતી. આ દરમિયાનનો મૌનીનો વીડિયો સોશિયલ મીડિયા પર ઝડપથી વાયરલ થઈ રહ્યો છે.વાસ્તવમાં, મૌની રોયનો એક વીડિયો ઇન્ટરનેટ પર વાયરલ થઈ રહ્યો છે. આ વીડિયોમાં મૌની પૂરી શ્રદ્ધા સાથે છઠ્ઠની પૂજા કરતી દેખાઈ રહી છે. છઠ્ઠ મનાવવા માટે મૌની રોય મુંબઈથી પટના પહોંચી હતી. સામે આવેલા વીડિયોમાં મૌની ગોલ્ડન સાડી પહેરીને અને હાથમાં પૂજાનો ટોપલો લઈને દીઘા ઘાટ પર નજરે પડી હતી. મૌની રોયનો આ અંદાજ તેના ફેન્સનું દિલ જીતી રહ્યો છે. ઘાટ પર મૌનીએ છઠ્ઠની રોનકને નજીકથી અનુભવી અને શ્રદ્ધાળુઓ વચ્ચે સમય વિતાવ્યો. તેની સાથે કેટલાક પોલીસકર્મીઓ પણ નજરે પડ્યા. સાથે જ એક મહિલા પણ જાેવા મળી રહી છે જે તેને આ છઠ્ઠ વિશે માહિતી આપતી દેખાઈ રહી છે. ટ્રેડિશનલ લુકમાં તેની તસવીરો અને વીડિયો હવે સોશિયલ મીડિયા પર ચર્ચામાં છે.મૌની રોયના વર્કળન્ટની વાત કરીએ તો, તેણે પોતાના કરિયરની શરૂઆત ટીવી અભિનેત્રી તરીકે કરી હતી. તે એકતા કપૂરના ‘ક્યોંકી સાસ ભી કભી બહુ થી’, ‘દેવોં કે દેવ… મહાદેવ’ અને ‘નાગિન’ જેવા શોમાં જાેવા મળી હતી. પરંતુ તેને ખાસ કરીને ઓળખ ‘નાગિન’માં શિવાન્યાના પાત્રથી મળી. આ રોલે તેને ઘરે-ઘરે પ્રખ્યાત બનાવી. ત્યારબાદ તેણે બોલિવૂડ તરફ આગળ વધી અને અક્ષય કુમારની ફિલ્મ ‘ગોલ્ડ’થી હિન્દી ફિલ્મોમાં પગ મૂક્યો. તે ‘રોમિયો અકબર વાલ્ટર’, ‘મેડ ઇન ચાઇના’ અને ‘બ્રહ્માસ્ત્ર’ જેવી ફિલ્મોનો પણ હિસ્સો રહી. હાલમાં જ તે ફિલ્મ ‘હૈ જવાની તો ઇશ્ક હોના હૈમાં જાેવા મળી હતી, જે ૨૦૨૬માં રિલીઝ થઈ.




