નયન હત્યાકાંડ: CCTV ફૂટેજમાં ગંભીર ઈજા છતાં શાળામાં દાખલ થતાં જાેવા મળ્યો વિદ્યાર્થી

અમદાવાદની સેવન્થ ડે સ્કૂલમાં બનેલી ચકચારી ઘટનાના સીસીટીવી સામે આવ્યા છે. જેમાં મૃતક વિદ્યાર્થી તેના પર હુમલો થયા બાદ પેટ પર હાથ રાખીને શાળાની અંદર પ્રવેશતો જાેવા મળી રહ્યો છે. પીળા શર્ટમાં દેખાતો વિદ્યાર્થી મૃત નયન છે.
સીસીટીવી પ્રમાણે બપોરે ૧૨ કલાકેને ૫૩ મિનિટે નયન શાળાના ગેઈટમાં પ્રવેશ કરતો જાેવા મળી રહ્યો છે. થોડીવારમાં તે ઢળી પડતા આસપાસમાં વિદ્યાર્થીઓનું ટોળું એકઠું થઈ જાય છે.

સાત મિનિટ સુધી નયન ત્યાં જ હોય છે અને આખરે એક વાગ્યા નયનને તેની માતા અને અન્ય એક મહિલા રિક્ષામાં હૉસ્પિટલ લઈ જાય છે. આ સાથે વધુ એક સીસીટીવી સામે આવ્યા છે જેમાં જાેઈ શકાય છે કે, બપોરે ૧ વાગ્યેને ૧૧ મિનિટ આસપાસ ૧૦૮ એમ્બ્યુલન્સ શાળા પરિસરમાં આવે છે અને લગભગ એક મિનિટ જેટલા સમયમાં જ તે પાછી જતી રહે છે. કારણ કે એ સમયે ઈજાગ્રસ્ત વિદ્યાર્થીને તેના વાલીઓ સારવાર માટે લઈ ગયા હતા.

વીડિયોમાં નયન શાળાના ગેટમાંથી અંદર પ્રવેશે છે, ત્યારે તેની માતા અને અન્ય મહિલાઓ તેને તાત્કાલિક સારવાર માટે લઈ જવાનો પ્રયાસ કરતા જાેવા મળે છે. તેઓ નયનને ટીંગાટોળી કરીને હોસ્પિટલ તરફ લઈ જઈ રહ્યા છે. આ દ્રશ્યો નયનના માતા-પિતાની વેદના અને મદદની તાત્કાલિક જરૂરિયાત દર્શાવે છે. આ ઝ્રઝ્ર્ફ ફૂટેજ પોલીસની તપાસમાં અત્યંત મહત્ત્વના સાબિત થઈ શકે છે. આ ફૂટેજ દર્શાવે છે કે હુમલો કઈ જગ્યાએ થયો અને ઘટના પછીની પરિસ્થિતિ કેવી હતી.

આ પુરાવા આરોપી અને ઘટનાની સંપૂર્ણ વિગતોને સ્પષ્ટ કરવામાં મદદરૂપ થશે. હાલ પોલીસે આ કેસમાં વધુ તપાસ હાથ ધરી છે, અને ન્યાયિક કાર્યવાહી ચાલુ છે. આ ઘટનાએ ફરી એકવાર શાળા પરિસરમાં બાળકોની સુરક્ષા અંગે ગંભીર સવાલો ઊભા કર્યા છે.