અફવાઓ પર વિશ્વાસ ન કરવા કેન્દ્રની અપીલ દેશના તમામ પેટ્રોલ પંપ પર પેટ્રોલ-ડીઝલનો પૂરતો સ્ટોક પશ્ચિમ એશિયાના દરિયાઈ માર્ગેથી આશરે ૯૪,૦૦૦ મેટ્રિક ટન કાર્ગો લઈને બે LPG જહાજાે સુરક્ષિત આવી રહ્યા છે પશ્ચિમ એશિયામાં સર્જાયેલી વિકટ સ્થિતિને ધ્યાનમાં રાખીને ભારત સરકારના પેટ્રોલિયમ અને કુદરતી ગેસ મંત્રાલય દ્વારા દેશની સ્થિતિ અંગે મહત્વની સ્પષ્ટતા કરવામાં આવી છે. સરકારે ફરી નાગરિકોને ખાતરી આપી છે કે દેશમાં ઈંધણ અને અન્ય આવશ્યક સેવાઓ પર કોઈ વિપરીત અસર પડી નથી. દેશના તમામ પેટ્રોલ પંપ પર પેટ્રોલ અને ડીઝલનો પૂરતો સ્ટોક છે. પેટ્રોલિયમ વિભાગ દ્વારા જણાવવામાં આવ્યું છે કે દેશના તમામ પેટ્રોલ પંપો પર પેટ્રોલ અને ડીઝલનો પૂરતો જથ્થો ઉપલબ્ધ છે. નાગરિકોને કોઈપણ પ્રકારની અફવાઓ પર ધ્યાન ન આપવા મંત્રાલય દ્વારા વિનંતી કરવામાં આવી છે. પશ્ચિમ એશિયાના દરિયાઈ માર્ગેથી આશરે ૯૪,૦૦૦ મેટ્રિક ટન કાર્ગો લઈને આવતા બે LPG જહાજાે સુરક્ષિત રીતે ભારત તરફ આગળ વધી રહ્યા છે. માર્ચ મહિના દરમિયાન સ્થાનિક, કોમર્શિયલ અને હોસ્ટેલ જેવી વિવિધ ક્ષેત્રમાં ૨.૯ લાખથી વધુ નવા ગેસ કનેક્શન પૂરા પાડવામાં આવ્યા છે.
યુરિયા પ્લાન્ટ્સ માટે ગેસનો પુરવઠો સ્થિર જાળવી રાખવામાં આવ્યો છે. છેલ્લા ૬ મહિનાની સરેરાશના ૭૦-૭૫ ટકા પુરવઠો જળવાઈ રહ્યો છે અને વધારાના ન્દ્ગય્ (લિક્વિફાઈડ નેચરલ ગેસ)ની વ્યવસ્થા કરવામાં આવી રહી છે. આ ઉપરાંત દેશના તમામ બંદરો પર કામગીરી સામાન્ય છે અને ક્યાંય પણ માલસામાનના પરિવહનમાં અવરોધ કે ભીડ જાેવા મળી નથી.
મંત્રાલયે વધુમાં કહ્યું છે કે સરકાર ગલ્ફ અને પશ્ચિમ એશિયાની સ્થિતિ પર સતત નજર રાખી રહી છે. ત્યાં વસતા ભારતીય સમાજ ખાસ કરીને દરિયાઈ જહાજાે પર કામ કરતા ખલાસીઓ અને વિદ્યાર્થીઓની સુરક્ષા સરકારની સર્વોચ્ચ અગ્રતા છે. ભારતીય મિશનો દ્વારા વિઝા, કોન્સ્યુલર અને લોજિસ્ટિક્સ બાબતે તમામ જરૂરી સહાય પૂરી પાડવામાં આવી રહી છે.
