પૂર્વી ભારતની કનેક્ટિવિટીને મજબૂત બનશે.દેશની પ્રથમ વંદે ભારત સ્લીપર ટ્રેન આજથી દોડશે.પ્રધાનમંત્રી નરેન્દ્ર મોદી માલદાથી દેશની પ્રથમ વંદે ભારત સ્લીપર ટ્રેનને લીલી ઝંડી આપશે.પ્રધાનમંત્રી નરેન્દ્ર મોદી આવતીકાલે માલદાથી દેશની પ્રથમ વંદે ભારત સ્લીપર ટ્રેનને લીલી ઝંડી આપશે. દેશની પ્રથમ વંદે ભારત સ્લીપર ટ્રેન હાવડા-ગુવાહાટી રૂટ પર દોડશે. આ ભારતની સૌથી આધુનિક અને હાઇ-સ્પીડ ટ્રેન છે. જે વિશ્વ કક્ષાની ટેકનોલોજીથી સજ્જ છે. લોકો લાંબા સમયથી દેશની પ્રથમ વંદે ભારત સ્લીપર ટ્રેનના આગમનની રાહ જાેઈ રહ્યા હતા. આ ટ્રેન સ્વદેશી ટેકનોલોજીનો ઉપયોગ કરીને બનાવવામાં આવી છે અને તેનું સફળતાપૂર્વક પરીક્ષણ પણ થઈ ચૂક્યું છે. થોડા દિવસો પહેલા કેન્દ્રીય રેલ્વે મંત્રી અશ્વિની વૈષ્ણવે જાહેરાત કરી હતી કે પ્રધાનમંત્રી નરેન્દ્ર મોદી ટૂંક સમયમાં આ ટ્રેનનું ઉદ્ઘાટન કરશે. આ ટ્રેન પૂર્વી ભારતની કનેક્ટિવિટીને મજબૂત બનાવશે.
સમગ્ર મુસાફરીમાં કેટલો સમય લાગશે ?
આ ટ્રેન હાવડા અને ગુવાહાટી (કામખ્યા) વચ્ચેનું ૯૫૮ કિલોમીટરનું અંતર ફક્ત ૧૪ કલાકમાં કાપશે.
આ ટ્રેનની ટિકિટ ઓનલાઈન અને ઓફલાઈન બંને રીતે સરળતાથી બુક કરી શકાય છે.
વંદે ભારત સ્લીપર ટ્રેન કઈ સુવિધાઓ આપશે ?
વંદે ભારત સ્લીપર ટ્રેનમાં કુલ ૧૬ કોચ છે. આમાં ૧૧ થર્ડ એસી કોચ, ૪ સેકન્ડ એસી કોચ અને ૧ ફર્સ્ટ એસી કોચનો સમાવેશ થાય છે. વંદે ભારત સ્લીપર ટ્રેન ૮૨૩ મુસાફરોને સમાવી શકે છે.
કોચ વચ્ચે અવરજવર માટે ઓટોમેટિક દરવાજા અને વેસ્ટિબ્યુલ્સ સ્થાપિત કરવામાં આવ્યા છે.
વંદે ભારત સ્લીપર ટ્રેનમાં અન્ય ટ્રેનો કરતાં ઓછા સ્ટોપેજ છે.
આનાથી મુસાફરી ઝડપી બનશે. આ ટ્રેનમાં બર્થ કુશન ખૂબ જ આરામદાયક છે.
આ ટ્રેન ૧૮૦ કિલોમીટરની ઝડપે મુસાફરી કરવા માટે બનાવવામાં આવી છે.
વંદે ભારત સ્લીપર ટ્રેન ટિકિટનું ભાડું શું છે ?
ભારતીય રેલ્વેએ વંદે ભારત સ્લીપર ટ્રેનના ટિકિટ ભાડા વિશે માહિતી આપી છે.
૩છઝ્ર કોચમાં ૪૦૦ કિલોમીટરની મુસાફરી માટે, મુસાફરોએ રૂ.૯૬૦ ચૂકવવા પડશે.
૨હઙ્ઘ છઝ્ર કોચનું ભાડું રૂ.૧૨૪૦ છે.
જાે તમે પહેલા એસીમાં મુસાફરી કરો છો, તો તમારે આ અંતર માટે રૂ.૧૫૨૦ ચૂકવવા પડશે.
૧,૦૦૦ કિલોમીટરના અંતર માટે આ ટ્રેનનું ભાડું રૂ.૨૪૦૦ થી રૂ.૩૮૦૦ સુધીનું હોઈ શકે છે.
આ બધા ઉપરાંત, વંદે ભારત ટ્રેનનું સસ્પેન્શન ખૂબ જ સારું બનાવવામાં આવ્યું છે.
આ ઉપરાંત, સ્વચ્છતાને ધ્યાનમાં રાખીને ટ્રેનમાં જંતુનાશક ટેકનોલોજીનો પણ ઉપયોગ કરવામાં આવ્યો છે.
