કોર્ટમાં કરી અરજી મુસ્કાનની દીકરીનો ખર્ચ ઉઠાવશે ફૈઝાન અંસારી સોશિયલ મીડિયા ઇન્ફ્લુએન્સર ફૈઝાન અંસારીએ મેરઠમાં મૃત્યુદંડની સજા પામેલી મુસ્કાનની પુત્રીને દત્તક લેવાની ઇચ્છા વ્યક્ત કરી મુંબઈ સ્થિત સોશિયલ મીડિયા ઇન્ફ્લુએન્સર ફૈઝાન અંસારીએ બુધવારે મેરઠ જિલ્લા ન્યાયાધીશની કોર્ટમાં એક અરજી દાખલ કરીને સૌરભ રાજપૂત હત્યા કેસમાં મુસ્કાનને તાજેતરમાં મૃત્યુદંડની સજા ફટકારવામાં આવ્યા બાદ તેની ૧૦ મહિનાની પુત્રીના ઉછેર, શિક્ષણ અને તબીબી ખર્ચ ઉઠાવવાની પરવાનગી માંગી હોવાનો દાવો કર્યો હતો. અન્સારીએ સ્થાનિક મીડિયાને જણાવ્યું હતું કે તેણે મુસ્કાનની ૧૦ મહિનાની પુત્રી મન્નત ઉર્ફે રાધાના ઉછેરથી લઈને તેના શિક્ષણ, તબીબી સંભાળ અને લગ્ન સુધીનો ખર્ચ ઉઠાવવાની તૈયારી દર્શાવી છે. તેણે કહ્યું કે તે આ જવાબદારી નિભાવવા માટે તેની નાણાકીય ક્ષમતાનું ઓડિટ કરાવવા પણ તૈયાર છે. આ કેસમાં, જિલ્લા સરકારના વકીલ કે.કે. ચૌબેએ જણાવ્યું હતું કે બાળક અંગેનો કોઈપણ ર્નિણય માતાની ઇચ્છા અને સંબંધિત કાનૂની જાેગવાઈઓના આધારે લેવો જાેઈએ. ચૌબેના મતે, વહીવટ દ્વારા બાળકને નાણાકીય સહાય પૂરી પાડવાના પ્રસ્તાવ પર સ્થાપિત પ્રક્રિયા હેઠળ વિચારણા કરી શકાય છે. જાે કે, તેમણે સ્પષ્ટતા કરી હતી કે ફક્ત કોર્ટમાં અરજી દાખલ કરવાથી કસ્ટડી કે તેના વાલી બનવાનો અધિકાર મળતો નથી.
પોલીસના જણાવ્યા મુજબ, મુસ્કાન તેના પતિ સૌરભ રાજપૂતની હત્યાના આરોપમાં ધરપકડ સમયે ગર્ભવતી હતી અને જેલમાં તેણે એક પુત્રી મન્નત, જેને રાધા તરીકે પણ ઓળખવામાં આવે છે, તેને જન્મ આપ્યો હતો. ફૈઝાન અન્સારીએ બાળકીના ઉછેરની જવાબદારી લેવાની ઓફર એવા સમયે કરી છે જ્યારે તેના ભવિષ્ય, સંભાળ અને શિક્ષણ અંગે પ્રશ્નો ઉભા થઈ રહ્યા છે, કારણ કે સૌરભ રાજપૂતની માતા રેણુ દેવીએ બાળકને દત્તક લેવાનો સ્પષ્ટ ઇનકાર કર્યો છે.
માર્ચ ૨૦૨૫ માં, તેની પત્ની મુસ્કાન અને તેના કથિત પ્રેમી સાહિલની સૌરભ રાજપૂતની હત્યાના આરોપમાં ધરપકડ કરવામાં આવી હતી. એવો આરોપ છે કે હત્યા પછી, સૌરભના મૃતદેહને ટુકડા કરીને વાદળી ડ્રમમાં સંગ્રહિત કરવામાં આવ્યો હતો. ૧૪ ઓક્ટોબરના રોજ, કોર્ટે આ કેસમાં મુસ્કાન અને સાહિલને મૃત્યુદંડની સજા ફટકારી હતી.
