હજુ તો અમે વેર વાળ્યું જ નથી : ઈરાન ઓઈલ-ગેસ પ્લાન્ટ્સ પર હુમલા બાદ પણ ઈરાનની ખતરનાક ચેતવણી હવે પછીના નિશાના પર માત્ર દુશ્મન જ નહીં પરંતુ તેમને સાથ આપનારા સાથી દેશોના એનર્જી ઈન્ફ્રાસ્ટ્રક્ચર હશે ઈરાને સ્પષ્ટ કહ્યું છે કે, ઈઝરાયલ દ્વારા તેમના ગેસ ફિલ્ડ પર કરવામાં આવેલા હુમલાનો બદલો હજુ પૂરો થયો નથી. જાે દુશ્મન દેશો ફરીથી ભૂલ કરશે તો ઈરાન તેનાથી પણ વધુ જાેરદાર જવાબી કાર્યવાહી કરશે. ઈરાને ચેતવણી આપી છે કે, હવે પછીના નિશાના પર માત્ર દુશ્મન જ નહીં પરંતુ તેમને સાથ આપનારા સાથી દેશોના એનર્જી ઈન્ફ્રાસ્ટ્રક્ચર પણ હશે અને આ હુમલાઓ ત્યાં સુધી નહીં અટકે જ્યાં સુધી તે કેન્દ્રો સંપૂર્ણપણે તબાહ ન થઈ જાય.
તાજેતરમાં ઈઝરાયેલના હાઇફા પાવર પ્લાન્ટ પર ભીષણ મિસાઇલ હુમલો કરવામાં આવ્યો છે, જેના કારણે સમગ્ર પ્લાન્ટમાં ભયાનક આગ ફાટી નીકળી છે. મિસાઇલ અથડાતાની સાથે જ જાેરદાર વિસ્ફોટ થયો હતો અને જાેતજાેતામાં આખો પ્લાન્ટ આગની વિકરાળ જ્વાળાઓમાં લપેટાઈ ગયો છે. આ ઘટનાને કારણે સ્થાનિક વિસ્તારમાં વીજ પુરવઠો ખોરવાઈ જવાની ભીતિ સેવાઈ રહી છે અને આકાશમાં ધુમાડાના કાળા ગોટા જાેવા મળી રહ્યા છે. સુરક્ષા દળો અને ફાયર ફાઇટરની ટીમ ઘટનાસ્થળે પહોંચી આગ પર કાબૂ મેળવવાના પ્રયાસો કરી રહી છે.
ઈરાને ગુરુવારે લાલ સમુદ્ર અને ખાડી વિસ્તારમાં અનેક દેશોના ઉર્જા મથકોને નિશાન બનાવ્યા હતા. સાઉદી અરેબિયાના યાનબુ શહેરમાં આવેલી જીછસ્ઇઈહ્લ રિફાઇનરી પર ડ્રોન હુમલો કરવામાં આવ્યો હતો. કતારની લિક્વિફાઇડ નેચરલ ગેસ ફેસિલિટી પર મિસાઈલ હુમલાથી ભીષણ આગ લાગી હતી જેના કારણે ઉત્પાદન ઠપ્પ થઈ ગયું છે. કુવૈતની મધ્ય-પૂર્વની સૌથી મોટી રિફાઇનરીઓ પૈકીની એક મીના અલ-અહમદી અને મીના અબ્દુલ્લા પર પણ ડ્રોન હુમલાથી આગ લાગી હતી. આ રિફાઇનરીની ક્ષમતા દરરોજ ૭,૩૦,૦૦૦ બેરલ ઉત્પાદનની છે. આ ઉપરાંત ઈરાને સ્ટ્રેટ ઓફ હોર્મુઝ પાસે સંયુક્ત આરબ અમીરાત અને કતારના જહાજાેને પણ નુકસાન પહોંચાડ્યું છે.
આ ઉર્જા સંકટને કારણે આંતરરાષ્ટ્રીય બજારમાં બ્રન્ટ ક્રૂડ ઓઈલની કિંમત વધીને ૧૧૮ ડોલર પ્રતિ બેરલ પર પહોંચી ગઈ છે.
ફેબ્રુઆરીમાં યુદ્ધ શરૂ થયું ત્યારથી અત્યાર સુધીમાં તેલની કિંમતોમાં ૫૭ ટકાથી વધુનો વધારો નોંધાયો છે. દુનિયાનો પાંચમો ભાગ જે માર્ગેથી તેલ પરિવહન કરે છે તે સ્ટ્રેટ ઓફ હોર્મુઝ પરના જાેખમને કારણે વૈશ્વિક સ્તરે ઇંધણની અછતનો ડર વધી રહ્યો છે. ઈરાન અને ઈઝરાયલ વચ્ચેનો આ સંઘર્ષ હવે સીધો મધ્ય-પૂર્વના દેશોની તેલ અને ગેસ રિફાઇનરીઓ સુધી પહોંચી ગયો છે જે આગામી સમયમાં વધુ ઘાતક બની શકે છે.
