IPL 2024: IPL 2024માં દિલ્હી કેપિટલ્સનો સામનો ગુજરાત ટાઇટન્સ સામે થશે. બંને ટીમો વચ્ચેની આ મેચ દિલ્હીના અરુણ જેટલી ક્રિકેટ સ્ટેડિયમમાં યોજાશે. આ મેચમાં ગુજરાત ટાઇટન્સનો કેપ્ટન શુભમન ગિલ એક ખાસ રેકોર્ડ પોતાના નામે કરવા માટે તૈયાર છે. શુભમન ગિલ હાલમાં IPLના શ્રેષ્ઠ ખેલાડીઓમાંથી એક છે. જો કે તેની કેપ્ટનશીપમાં ગુજરાત ટાઇટન્સ ટીમ આ સિઝનમાં સારું પ્રદર્શન કરી શકી નથી, પરંતુ ગિલના પ્રદર્શનમાં કોઈ કમી હોય તેવું લાગતું નથી. શુભમન ગિલ આ સિઝનમાં શાનદાર પ્રદર્શન કરી રહ્યો છે.
ગીલનો ખાસ યાદીમાં સમાવેશ કરવામાં આવશે
શુભમન ગિલ દિલ્હી કેપિટલ્સ સામે રમાતી મેચમાં તેની 100મી આઈપીએલ મેચ પૂરી કરશે. ગિલ IPLમાં આવું કરનાર 65મો ખેલાડી બનશે. તેના પહેલા 64 એવા ખેલાડી છે જેમણે IPLમાં 100 કે તેથી વધુ મેચ રમી છે. આ કારણે આ મેચ ગિલ માટે ખૂબ જ ખાસ બની રહી છે. બીજી તરફ શુભમન ગિલ આ મેચમાં જોરદાર પ્રદર્શન કરવા ઈચ્છશે જેથી તેની ટીમ આ મેચમાં વાપસી કરી શકે. આ સિઝનમાં અત્યાર સુધી રમાયેલી આઠ મેચોમાંથી તેની ટીમે ચાર મેચ જીતી છે, જ્યારે ચાર મેચમાં તેને હારનો સામનો કરવો પડ્યો છે.
આ સિઝનમાં ગિલનું પ્રદર્શન
શુભમન ગિલ IPL 2024માં કુલ 8 મેચ રમ્યો છે. જ્યાં તેણે 42.57ની એવરેજ અને 146.80ની સ્ટ્રાઈક રેટથી 298 રન બનાવ્યા છે. આ સિઝનમાં તેનો સર્વશ્રેષ્ઠ સ્કોર 89* રન છે. જે તેણે પંજાબ કિંગ્સ સામે રમ્યો હતો. ગિલે આઈપીએલમાં અત્યાર સુધી 99 મેચમાં 3088 રન બનાવ્યા છે. જ્યાં તેની એવરેજ 38.12 અને સ્ટ્રાઈક રેટ 135.20 હતી. આઈપીએલમાં ગિલનો સર્વશ્રેષ્ઠ સ્કોર 129 રન રહ્યો છે. તેણે આઈપીએલમાં કુલ ત્રણ સદી ફટકારી છે, જ્યારે તેના નામે 20 અડધી સદી પણ છે.
