તમિલનાડુના તિરુનેલવેલી જિલ્લામાં ગુરુવારે સમોસાની દુકાનમાં ગેસ સિલિન્ડરમાં વિસ્ફોટ થયો હતો. વિસ્ફોટના કારણે દુકાનમાં આગ લાગી હતી. આગમાં 6 લોકો દાઝી ગયા હતા.
વિસ્ફોટની માહિતી મળતાં જ ફાયર વિભાગના જવાનો ઘટનાસ્થળે પહોંચી ગયા હતા અને આગ પર કાબૂ મેળવ્યો હતો. પોલીસના જણાવ્યા અનુસાર, આ ઘટના તિરુનેલવેલીના ઉત્તર રાધા રોડ પર સમોસાની દુકાનમાં બની હતી, જ્યાં દુકાનના કર્મચારી સહિત છ લોકો ઘાયલ થયા હતા.
ઘટનાનો વીડિયો સામે આવ્યો છે
ઘાયલ થયા હતા. પોલીસે માહિતી આપી હતી કે આ અકસ્માતમાં બે દુકાનો બળીને રાખ થઈ ગઈ હતી. પોલીસે આ ઘટના સાથે સંબંધિત એક વીડિયો પણ સોશિયલ મીડિયા પર શેર કર્યો છે. વીડિયોમાં ગેસ સિલિન્ડર ફાટવાને કારણે જોરદાર વિસ્ફોટનો અવાજ સંભળાય છે. બ્લાસ્ટ બાદ લોકોમાં ગભરાટ ફેલાઈ ગયો હતો.
તિરુનેલવેલી ટાઉન પોલીસે કેસ નોંધીને ઘટનાની તપાસ હાથ ધરી છે.
આ પહેલા 11 મેના રોજ વિરુધુનગર જિલ્લાના શિવકાશી નજીક નારાયણપુરમ પુદુરમાં ફટાકડા બનાવવાની ફેક્ટરીમાં વિસ્ફોટ થયો હતો. આગની ઘટનામાં કોઈ જાનહાનિ થઈ ન હતી. ઘટનાની જાણ થતા જ ફાયર બ્રિગેડની ગાડીઓ ઘટના સ્થળે પહોંચી આગને કાબુમાં લીધી હતી.
