કેપ્ટનની સતર્કતાથી મોટી દુર્ઘટના ટળી.એર ઇન્ડિયાના વિમાનને હાઇજેક કરવાનો પ્રયાસ.કોકપીટમાં પ્રવેશવા સાચો પાસકોડ દાખલ કર્યો હતો પાઇલટે ખોલ્યો જ નહીં કોકપીટનો દરવાજાે, ૯ લોકોની અટકાયત.બેંગલુરુથી વારાણસી જતી એર ઇન્ડિયાની ફ્લાઇટનો કોકપીટ દરવાજાે ખોલવાનો પ્રયાસ બે મુસાફરોએ કર્યો હતો. તેમણે કોકપીટમાં પ્રવેશવા માટે સાચો પાસકોડ દાખલ કર્યો હતો. હાઇજેક થવાના ડરથી પાઇલટે દરવાજાે ખોલ્યો ન હતો. એટીસીને આ અંગે જાણ કરવામાં આવી હતી, જેણે સુરક્ષા એજન્સીઓને ચેતવણી આપી હતી.
વારાણસીમાં સુરક્ષિત ઉતરાણ બાદ, કોકપીટ દરવાજાે ખોલવાનો પ્રયાસ કરનારા બે મુસાફરો સહિત નવ લોકોની અટકાયત કરવામાં આવી હતી. વારાણસી પોલીસ અને ગુપ્તચર એજન્સીઓ અટકાયતીઓની પૂછપરછ કરી રહી છે. વિમાનમાં ૧૬૩ મુસાફરો હતા. વારાણસીમાં વિમાનનો નિર્ધારિત લેન્ડિંગ સમય ૧૦:૪૫ હતો, પરંતુ સમગ્ર ઘટના વચ્ચે વિમાન ૧૦:૨૨ વાગ્યે ઉતર્યું.
એર ઇન્ડિયા એક્સપ્રેસ ફ્લાઇટ ૈંઠ ૧૦૮૬ સોમવારે સવારે બેંગલુરુથી વારાણસી માટે રવાના થઈ. ટેકઓફ થયાના થોડા સમય પછી, બે મુસાફરોએ કોકપીટ તરફ જતો કેબિન દરવાજાે ખોલવાનો પ્રયાસ કર્યો. તેઓએ દરવાજાે ખોલવા માટે સાચો પાસકોડ દાખલ કર્યો હતો.
ઉડતા વિમાનના કોકપીટ ખોલવા માટે પાઇલટે પાસકોડ દાખલ કરતાની સાથે જ તેનો સિગ્નલ તેના પછી મળ્યો. જ્યારે પાઇલટે સીસીટીવીમાં જાેયું, ત્યારે તે ચોંકી ગયો. ત્યાં બે મુસાફરો દેખાયા. વિમાનના હાઇજેક થવાના ડરથી કેપ્ટને દરવાજાે ખોલ્યો નહીં.
પાઇલટે તાત્કાલિક એટીસીને આ અંગે જાણ કરી. એટીસીએ સુરક્ષા માટે તૈનાત સીઆરપીએફને સતર્ક કર્યા. વારાણસીના બાબતપુર એરપોર્ટ પર વિમાનના સુરક્ષિત ઉતરાણ બાદ, સીઆરપીએફ જવાનોએ કોકપીટ ખોલવાનો પ્રયાસ કરનારા બે મુસાફરો સહિત કુલ નવ લોકોની અટકાયત કરી છે. તે બધાને બાબતપુર પોલીસ સ્ટેશન લાવવામાં આવ્યા છે અને તેમની પૂછપરછ કરવામાં આવી રહી છે.
પોલીસની સાથે ગુપ્તચર એજન્સીઓ પણ પૂછપરછમાં રોકાયેલી છે. વારાણસીના ડીસીપી વરુણ ઝોન આકાશ પટેલ પણ ધરપકડ કરાયેલા મુસાફરોની પૂછપરછ કરવા પહોંચ્યા છે.
