છેલ્લા ૨૪ કલાકમાં રશિયાએ યુક્રેન પર ૫૨૪ હવાઈ હુમલા કર્યા૫૦૦થી વધુ ડ્રોન, ૪૮ મિસાઈલ, રશિયાએ યુક્રેનમાં તબાહી મચાવીરશિયાએ યુક્રેનના ત્રણ શહેરો પર એટલો વિનાશક હુમલો કર્યો કે આખો દેશ હચમચી ગયો : અત્યાર સુધીમાં ૨૫ લોકોના મોત થયા હોવાના અહેવાલ.છેલ્લા ૨૪ કલાકમાં રશિયાએ યુક્રેન પર ૫૨૪ હવાઈ હુમલા કર્યા હતા. રશિયાએ યુક્રેનના ત્રણ શહેરો પર એટલો વિનાશક હુમલો કર્યો કે આખો દેશ હચમચી ગયો. તાજેતરના મહિનાઓમાં રશિયા દ્વારા યુક્રેન પર આ સૌથી મોટો હુમલો છે. પુતિને યુક્રેન પર હુમલો કર્યો, પરંતુ તેમણે નાટોને એક શક્તિશાળી સંદેશ પણ આપ્યો હતો. યુક્રેન પર આ વિનાશક હુમલો કરીને પુતિને નાટોને અંતિમ ચેતવણી આપી છે. જાે રશિયન સરહદ નજીક લશ્કરી કવાયતો બંધ નહી થાય, તો એક મોટું યુદ્ધ નિકટવર્તી છે. પહેલા જર્મની પછી ફ્રાન્સે રશિયા સામે યુદ્ધની ઘોષણા કરી હતી. આ ઘોષણાએ પુતિનને ઉશ્કેર્યા. જાે કે, જ્યારે રશિયન સરહદ નજીક નાટો લશ્કરી કવાયતો શરૂ થઈ ત્યારે પુતિને ગઈકાલે રાત્રે યુક્રેન પર વિનાશ કરીને જવાબ આપ્યો હતો. પુતિને નાટોને સંદેશ મોકલ્યો કે “જાે રશિયાને ઉશ્કેરવામાં આવશે તો અમે તેમને છોડીશું નહીં.”
યુક્રેનના ગૃહ પ્રધાન ઇહોર ક્લિમેન્કોએ જણાવ્યું હતું કે રશિયાએ ફરીથી યુક્રેનના શહેરો પર હુમલો કર્યો છે. રશિયાએ ઇરાદાપૂર્વક રહેઠાણ, શૈક્ષણિક સુવિધાઓ અને મહત્વપૂર્ણ માળખાગત સુવિધાઓને નિશાન બનાવી છે. તેમનો ધ્યેય યુક્રેનમાં શક્ય તેટલા વધુ નાગરિકોના જાનહાનિ, શક્ય તેટલો વિનાશ અને દુ:ખ પહોંચાડવાનો છે. સૌથી ખરાબ પરિસ્થિતિ ટેર્નોપિલમાં છે. બે નવ માળની ઇમારતોને અસર થઈ, એકમાં આગ લાગી અને ઘણા માળ સંપૂર્ણપણે નાશ પામ્યા. આ હુમલાઓમાં ઘણા બાળકો સહિત ઘણા લોકો માર્યા ગયા. યુક્રેનિયન સૈન્યના જણાવ્યા અનુસાર, રશિયાએ ૧૮ નવેમ્બરના રોજ સાંજે ૬ વાગ્યાથી ડ્રોન અને મિસાઇલોનો ઉપયોગ કરીને મોટા પાયે હવાઈ હુમલા શરૂ કર્યા. આ હુમલાઓ ૧૯ નવેમ્બરની સવાર સુધી ચાલુ રહ્યા. રશિયાએ ત્રણ યુક્રેનિયન શહેરોને નિશાન બનાવ્યા: કિવ, ટેર્નોપિલ અને ખાર્કિવ. ૪૮ મિસાઇલો અને ૫૦૦થી વધુ ડ્રોનનો ઉપયોગ કરવામાં આવ્યો હતો. રશિયાએ યુક્રેન પર અસંખ્ય ક્રુઝ મિસાઇલો પણ છોડી હતી. જ્યારે રશિયાએ યુક્રેન પર હુમલો કર્યો, ત્યારે એક ડ્રોન રોમાનિયન હવાઈ ક્ષેત્રમાં પ્રવેશ્યું, જેના કારણે બે રોમાનિયન યુરોફાઇટર ટાયફૂન અને બે હ્લ-૧૬ વિમાનોને પેટ્રોલિંગ માટે તાત્કાલિક તૈનાત કરવામાં આવ્યા. દરમિયાન, પોલેન્ડના રિઝેશો અને લુબ્લિન એરપોર્ટને અસ્થાયી રૂપે બંધ કરવામાં આવ્યા હતા. અત્યાર સુધીમાં ૨૫ લોકોના મોત થયાના અહેવાલ છે. રશિયાએ એ પણ જાહેર કર્યું છે કે ફ્રાન્સ પાસેથી તેને મળતા રાફેલ ફાઇટર જેટ યુદ્ધમાં પરિસ્થિતિમાં કોઈ ફેરફાર કરશે નહીં. કિવ શાસનને ગમે તેટલા ફાઇટર જેટ વેચવામાં આવે, તે મોરચા પર કે યુદ્ધના મેદાનમાં પરિસ્થિતિ બદલશે નહીં. પેરિસ દ્વારા કિવને શસ્ત્રોનો સતત પુરવઠો યુદ્ધને વેગ આપી રહ્યો છે અને આમ કરવાથી તે કોઈપણ રીતે શાંતિમાં ફાળો આપી રહ્યા નથી. રશિયન હુમલાઓ વચ્ચે ઝેલેન્સ્કી તુર્કી પહોંચ્યા, જ્યાં તેઓ રાષ્ટ્રપતિ રેસેપ તૈયપ એર્દોગન સાથે મુલાકાત કરશે. તેમનું કહેવું છે કે વાટાઘાટોનો મુખ્ય ઉદ્દેશ્ય યુક્રેન માટે “ન્યાયી શાંતિ” માટે મહત્તમ સમર્થન મેળવવાનો છે. ઝેલેન્સ્કીએ કહ્યું કે રશિયા પર વૈશ્વિક દબાણ હજુ પણ પૂરતું નથી અને દરેક નવો હુમલો દબાણ વધારવાની જરૂરિયાત સાબિત કરે છે.
