બંને દેશના વડા વચ્ચેની વાતચીત મહત્વપૂર્ણ PM મોદી અને ડોનાલ્ડ ટ્રમ્પ વચ્ચે ફોન પર ૪૦ મિનિટ સુધી થઈ વાતચીત વૈશ્વિક પરિસ્થિતિ અને પરસ્પર સહકારના મુદ્દાઓ પર વિસ્તૃત ચર્ચા કરી હોવાનું જાણવા મળી રહ્યું છે વડાપ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે તાજેતરમાં લગભગ ૪૦ મિનિટ સુધી ફોન પર મહત્વપૂર્ણ વાતચીત થઈ છે. આ વાતચીતમાં બંને નેતાઓએ દ્વિપક્ષીય સંબંધો, વૈશ્વિક પરિસ્થિતિ અને પરસ્પર સહકારના મુદ્દાઓ પર વિસ્તૃત ચર્ચા કરી હોવાનું જાણવા મળી રહ્યું છે.વાતચીત દરમિયાન ભારત-અમેરિકા વચ્ચે વેપાર, રોકાણ, ટેક્નોલોજી અને સુરક્ષા સહકારને વધુ મજબૂત બનાવવાની દિશામાં ભાર મૂકવામાં આવ્યો. બંને નેતાઓએ ઈન્ડો-પેસિફિક ક્ષેત્રમાં સ્થિરતા અને શાંતિ જાળવવા માટે સંયુક્ત પ્રયાસોની જરૂરિયાત પર પણ સહમતિ વ્યક્ત કરી. મળતી માહિતી મુજબ આ ચર્ચામાં વૈશ્વિક ભૂ-રાજકીય પરિસ્થિતિ, ખાસ કરીને બદલાતા આંતરરાષ્ટ્રીય સંબંધો અને સુરક્ષા પડકારો અંગે પણ વિચારવિમર્શ કરવામાં આવ્યો. બંને દેશોએ આતંકવાદ સામેની લડતમાં સહયોગ વધારવાની પ્રતિબદ્ધતા પણ પુન:દૃઢ કરી.
આ ટેલિફોનિક વાતચીત બંને દેશો વચ્ચેના સંબંધોને વધુ મજબૂત બનાવવા માટે મહત્વપૂર્ણ માનવામાં આવી રહ્યો છે. આવા ઉચ્ચ સ્તરીય સંપર્કો ભારત-અમેરિકા ભાગીદારીને નવી દિશા આપે છે અને વૈશ્વિક મંચ પર બંને દેશોની ભૂમિકા વધુ મજબૂત બનાવે છે. હાલ આ વાતચીત અંગે વધુ સત્તાવાર વિગતો જાહેર કરવામાં આવી નથી, પરંતુ તેને વ્યૂહાત્મક અને રાજકીય દૃષ્ટિએ મહત્વપૂર્ણ ગણવામાં આવી રહી છે.
