૧૨ મેએ લેશે CM પદની શપથ.હિમંતા બિસ્વા સરમા ફરી સંભાળશે અસમની કમાન.અસમ ભાજપ વિધાનસભા પક્ષની એક બેઠક બોલાવવામાં આવી હતી, જ્યાં નેતાની ઔપચારિક પસંદગી કરવામાં આવી હતી.હિંમત બિસ્વા સરમા અસમના આગામી મુખ્યમંત્રી હશે. ભાજપ વિધાનસભા પક્ષની બેઠકમાં આ ર્નિણય લેવામાં આવ્યો હતો. જેપી નડ્ડાએ હિમંત બિસ્વાના નામની જાહેરાત કરી. હિમંત બિસ્વા સરમા ૧૨ મેના રોજ સવારે ૧૧ વાગ્યે બીજી વખત અસમના મુખ્યમંત્રી તરીકે શપથ લેશે.
ભાજપે ધારાસભ્ય પક્ષના નેતાની પસંદગી માટે પૂર્વ રાષ્ટ્રીય અધ્યક્ષ જેપી નડ્ડા અને હરિયાણાના મુખ્યમંત્રી નાયબ સિંહ સૈનીને નિરીક્ષક તરીકે નિયુક્ત કર્યા હતા. અસમ ભાજપ વિધાનસભા પક્ષની એક બેઠક બોલાવવામાં આવી હતી, જ્યાં નેતાની ઔપચારિક પસંદગી કરવામાં આવી હતી. હિમંત બિસ્વા સરમા એ ૬ મેના રોજ મુખ્યમંત્રી પદ પરથી રાજીનામું આપ્યું હતું. તેઓ હાલમાં કાર્યકારી મુખ્યમંત્રી તરીકે સેવા આપી રહ્યા હતા. હવે, નવી સરકારની રચના સાથે, તેઓ સતત બીજી વખત મુખ્યમંત્રી બનવાના છે.
ભાજપના નેતૃત્વ હેઠળના એનડીએએ ૪ મેના રોજ જાહેર થયેલા આસામ વિધાનસભા ચૂંટણીના પરિણામોમાં જંગી વિજય મેળવ્યો. ભાજપે શાનદાર પ્રદર્શન કર્યું, ૧૨૬ બેઠકોવાળી વિધાનસભામાં ૮૨ બેઠકો જીતી. કોંગ્રેસે માત્ર ૧૯ બેઠકો જીતી, BOPF ૧૦, જ્યારે AGP ૧૦ બેઠકો જીતી અને AIUDF બે બેઠકો જીતી. આસામમાં બહુમતીનો આંકડો ૬૪ બેઠકોનો છે. ભાજપે પોતાના દમ પર બહુમતીથી વધુ બેઠકો જીતી છે.
અસમ રાજકારણમાં એક અગ્રણી વ્યક્તિ, હિમંતા બિસ્વા સરમાએ પોતાની કારકિર્દીની શરૂઆત એક ફાયરબ્રાન્ડ વિદ્યાર્થી નેતા તરીકે કરી હતી. ત્યારબાદ તેમણે ૨૦૦૧ થી ૨૦૧૫ સુધી તરુણ ગોગોઈના નેતૃત્વ હેઠળની કોંગ્રેસ સરકારમાં કેબિનેટ મંત્રી તરીકે સેવા આપી હતી. ૨૦૧૫ માં ભાજપમાં જાેડાયા પછી, હિમંતાએ ૨૦૧૬ ની આસામ વિધાનસભા ચૂંટણીમાં મુખ્ય ભૂમિકા ભજવી હતી. ત્યારબાદ ૨૦૨૧ ની આસામ ચૂંટણીમાં ભાજપની જંગી જીત સાથે તેઓ આસામના મુખ્યમંત્રી બન્યા અને ૨૦૨૬ માં ભાજપની જીત સાથે બીજા કાર્યકાળ માટે મુખ્યમંત્રી બનવાની તૈયારીમાં છે.
આસામમાં શપથ ગ્રહણ સમારોહ ૧૨ મેના રોજ સવારે ૧૧ વાગ્યે ગુવાહાટીના ખાનપારા વેટરનરી કોલેજ ફિલ્ડમાં યોજાવાની ધારણા છે. આ કાર્યક્રમમાં વડા પ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ અને ભાજપના અનેક વરિષ્ઠ નેતાઓ હાજરી આપે તેવી શક્યતા છે. દેશભરના આશરે ૨૨ રાજ્યોના મુખ્યમંત્રીઓને પણ આમંત્રણ આપવામાં આવ્યું છે. ભાજપ પહેલી વાર ૨૦૧૬માં આસામમાં સત્તામાં આવ્યું હતું, જેમાં સર્બાનંદ સોનોવાલ મુખ્યમંત્રી બન્યા હતા. ત્યારબાદ, ૨૦૨૧માં હિમંત બિસ્વા શર્માએ મુખ્યમંત્રી પદ સંભાળ્યું હતું. હવે, ૨૦૨૬ની વિધાનસભા ચૂંટણીમાં ભાજપે ફરી એકવાર પ્રચંડ જીત મેળવી છે.
