આયુષ્માન ખુરાનાને ખંડણી માટે ધમકી લોરેન્સ બિશ્નોઈ ગેંગના નામે આયુષ્માન પાસે કરોડોની માંગણી અભિનેતાને ઓડિયો સંદેશ મોકલી ખંડણી માગ્યાનો આરોપ, મુંબઈ પોલીસે તપાસ શરૂ કરી
બોલિવૂડ ઇન્ડસ્ટ્રીમાંથી એક પછી એક ચોંકાવનારા અહેવાલો સામે આવી રહ્યા છે. તાજેતરમાં જ અભિનેતા આયુષ્માન ખુરાનાને એક ધમકીભર્યાે ઓડિયો સંદેશ મળ્યો છે, જેમાં કુખ્યાત લોરેન્સ બિશ્નોઈ ગેંગના નામે કરોડો રૂપિયાની જંગી ખંડણી માંગવામાં આવી છે. આ ગંભીર મામલાની માહિતી મળતા જ મુંબઈ પોલીસ હરકતમાં આવી ગઈ છે અને સઘન તપાસ શરૂ કરી છે.મુંબઈ પોલીસના સૂત્રોના જણાવ્યા અનુસાર, અભિનેતા આયુષ્માન ખુરાનાને કથિત રીતે એક ઓડિયો ક્લિપ મોકલવામાં આવી હતી. આ સંદેશ મોકલનારે ખુદને લોરેન્સ બિશ્નોઈ ગેંગનો સભ્ય હોવાનું જણાવ્યું હતું અને અભિનેતા પાસે કરોડો રૂપિયાની ખંડણીની માંગણી કરી હતી. સુરક્ષા એજન્સીઓ અને મુંબઈ પોલીસ હાલ આ ધમકીની ગંભીરતાથી તપાસ કરી રહી છે.પોલીસ અધિકારીઓ ઓડિયો મોકલનાર વ્યક્તિની ઓળખ અને તેના દાવાની સત્યતા ચકાસી રહ્યા છે. આ માટે તકનીકી મદદ લેવામાં આવી રહી છે અને આ ઓડિયો સંદેશની સરખામણી ગેંગ સાથે સંકળાયેલા અગાઉના ઓડિયો રેકોર્ડિંગ્સ સાથે કરવામાં આવી રહી છે. હાલની પ્રાથમિક તપાસમાં આ સંદેશ મોકલનારનો સીધો સંબંધ લોરેન્સ બિશ્નોઈ ગેંગ સાથે હોવાનું હજુ સુધી સત્તાવાર રીતે સાબિત થયું નથી.બોલિવૂડ સેલેબ્સને નિશાન બનાવવાની આ કોઈ પહેલી ઘટના નથી. આ અગાઉ અભિનેતા તુષાર કપૂરને પણ સમાન પ્રકારની એક ધમકી મળી હતી, જેમાં ફોન કરનારે ગેંગસ્ટર ‘હરિ બોક્સર’ હોવાનો દાવો કરીને ૫ કરોડ રૂપિયાની માંગણી કરી હતી. જાેકે, મુંબઈ પોલીસે અવાજનું વિશ્લેષણ કરીને પુષ્ટિ કરી હતી કે ફોન કરનાર વ્યક્તિ વાસ્તવિક ગેંગસ્ટર નહોતો પરંતુ કોઈ અન્ય વ્યક્તિ દ્વારા ડરાવવા માટે આ કૃત્ય કરવામાં આવ્યું હતું.આ ઉપરાંત, મુંબઈના પોશ જુહુ વિસ્તારમાં અભિનેતા ટાઈગર શ્રોફના નિવાસસ્થાનની બહાર થયેલા ગોળીબારની ઘટનાએ પણ ફિલ્મ જગતમાં ડરનો માહોલ ઊભો કર્યાે છે. એક પછી એક સ્ટાર્સને મળી રહેલી ધમકીઓને પગલે મુંબઈ પોલીસ અને સુરક્ષા વ્યવસ્થા વધુ સઘન બનાવી દેવામાં આવી છે.
