બજેટ તૈયાર કરવાની પ્રક્રિયાનો આ અંતિમ તબક્કો આવી ગયો, નાણામંત્રી નિર્મલા સીતારમણે 1 ફેબ્રુઆરીએ બજેટ રજુ કરશે

નાણામંત્રી નિર્મલા સીતારમણે બુધવારે નોર્થ બ્લોકમાં હલવા સમારોહનું આયોજન કર્યું હતું. બજેટ તૈયાર કરવાની પ્રક્રિયાનો આ અંતિમ તબક્કો છે. દર વર્ષે, બજેટની તૈયારી પછી, લોક-ઇન પ્રક્રિયા શરૂ થાય તે પહેલાં હલવા સમારોહનું આયોજન કરવામાં આવે છે.

નાણામંત્રી નિર્મલા સીતારમણ 1 ફેબ્રુઆરી 2024ના રોજ લોકસભામાં વચગાળાનું બજેટ 2024 રજૂ કરશે. આ વખતે પણ બજેટ પેપર લેસ હશે અને બજેટના તમામ દસ્તાવેજો બજેટ મોબાઈલ એપ પર ઉપલબ્ધ હશે. ન્યૂઝ એજન્સી ANIએ બજેટ પહેલા આયોજિત હલવા સેરેમનીનો વીડિયો શેર કર્યો છે.

1 ફેબ્રુઆરીએ બજેટ રજૂ કરવામાં આવશે
નાણામંત્રી નિર્મલા સીતારમણ 1 ફેબ્રુઆરીએ બજેટ રજૂ કરશે. આ વખતે સરકાર વોટ ઓન એકાઉન્ટ બજેટ લાવશે. મોદી સરકારના બીજા કાર્યકાળનું આ છેલ્લું બજેટ હશે.

દેશમાં એપ્રિલ કે મે મહિનામાં લોકસભાની ચૂંટણી યોજાવાની શક્યતા છે. નવી ચૂંટાયેલી સરકાર નાણાકીય વર્ષ 2024-25 માટે સંપૂર્ણ બજેટ લાવશે.

બજેટ પેપર લેસ હશે
કેન્દ્ર સરકાર છેલ્લા ત્રણ વર્ષથી પેપરલેસ બજેટ રજૂ કરી રહી છે. આ વખતે જે વચગાળાનું બજેટ લાવવામાં આવી રહ્યું છે તે પણ પેપરલેસ હશે. એટલે કે બજેટના તમામ દસ્તાવેજો કેન્દ્રીય બજેટ મોબાઇલ એપ પર ઉપલબ્ધ હશે.

આ દસ્તાવેજો હિન્દી અને અંગ્રેજી ભાષાઓમાં ઉપલબ્ધ હશે. આ એપને ગૂગલ પ્લે સ્ટોર અને એપલ એપ સ્ટોરની સાથે યુનિયન બજેટના વેબ પોર્ટલ પરથી ડાઉનલોડ કરી શકાય છે. નાણામંત્રીનું બજેટ ભાષણ પણ એપ પર એક્સેસ કરી શકાય છે.