ચીને પહેલીવાર સત્ય સ્વીકાર્યું ઓપરેશન સિંદૂરમાં પાકિસ્તાની એરફોર્સને અમે મદદ કરી હતી એવિએશન ઇન્ડસ્ટ્રી કોર્પોરેશન ઓફ ચાઇનાના એન્જિનિયરોએ ખુલાસો કર્યો કે તેઓ યુદ્ધ દરમિયાન પાકિસ્તાનમાં હાજર હતા
ચીને પહેલીવાર સત્તાવાર રીતે સ્વીકાર્યું છે કે ગયા વર્ષે ભારત અને પાકિસ્તાન વચ્ચે થયેલા યુદ્ધ દરમિયાન તેણે પાકિસ્તાની વાયુસેનાને ઓન-સાઇટ ટેકનિકલ સહાય પૂરી પાડી હતી. ચીની સરકારી બ્રોડકાસ્ટરCCTV પર પ્રસારિત એક ઇન્ટરવ્યુમાં, એવિએશન ઇન્ડસ્ટ્રી કોર્પોરેશન ઓફ ચાઇના (AVIC) ના એન્જિનિયરોએ ખુલાસો કર્યો કે તેઓ યુદ્ધ દરમિયાન પાકિસ્તાનમાં હાજર હતા. અહેવાલ મુજબ, આ સંઘર્ષ દરમિયાન ચીની બનાવટના J-10CE ફાઈટર જેટે ભારતના ફ્રેન્ચ બનાવટના રાફેલ ફાઈટર જેટને તોડી પાડ્યું હતું. આ પ્રથમ ઘટના છે જ્યારે ચીની બનાવટના આ વિમાને કોઈ દુશ્મન વિમાનને તોડી પાડ્યું હોય અને રાફેલ જેટ પટકાયું હોય. ચીની એન્જિનિયર ઝાંગ હેંગે જણાવ્યું કે, “અમે સપોર્ટ બેઝ પર સતત એર-રેડ સાયરન અને જેટના અવાજાે સાંભળતા હતા. મે મહિનામાં ૫૦ ડિગ્રી જેટલી કાળઝાળ ગરમી હોવા છતાં અમારી ટીમ પાકિસ્તાની સેનાને યુદ્ધના મેદાનમાં મદદ કરી રહી હતી.” પાકિસ્તાન હાલમાં ચીન સિવાય J-10CE જેટનું સંચાલન કરતો એકમાત્ર દેશ છે. સ્ટોકહોમ ઇન્ટરનેશનલ પીસ રિસર્ચ ઇન્સ્ટિટ્યૂટના ડેટા અનુસાર, ૨૦૨૧ થી ૨૦૨૫ વચ્ચે પાકિસ્તાનની ૮૦% શસ્ત્રોની આયાત ચીનમાંથી થઈ છે.J-10CE એ અત્યાધુનિક રડાર સિસ્ટમ અને એર-ટુ-એર મિસાઈલથી સજ્જ છે, જેનો ઉપયોગ ગયા વર્ષના સંઘર્ષમાં ભારત સામે કરવામાં આવ્યો હોવાની પુષ્ટિ હવે ચીને પોતે કરી છે.
