હરિયાણા : શું ભાજપની અરજી પર હરિયાણાની ચૂંટણીની તારીખ બદલાશે? જાણો આખો મામલો

જોકે, કોંગ્રેસ, જનનાયક જનતા પાર્ટી (JJP) અને આમ આદમી પાર્ટી (AAP)એ ચૂંટણીની તારીખ બદલવાનો વિરોધ કર્યો છે. આ પક્ષોનું કહેવું છે કે ભાજપ પોતાની સંભવિત હારથી ડરી ગયો છે, તેથી તારીખ બદલવાની માંગ કરી રહી છે. ચૂંટણી પંચની આ બેઠક બાદ જ સ્પષ્ટ થશે કે હરિયાણામાં ચૂંટણીની તારીખોમાં કોઈ ફેરફાર કરવામાં આવશે કે નહીં.

હરિયાણા ભાજપના પ્રમુખ મોહન લાલ બડોલીએ ચૂંટણી પંચને એક પત્ર લખ્યો હતો જેમાં તેમણે ઓછા મતદાનના ડરને કારણે 1 ઓક્ટોબરની મતદાન તારીખ બદલવા માટે કહ્યું હતું. તેમનું કહેવું છે કે 1 ઓક્ટોબરના મતદાનની તારીખ પહેલા અને પછી ઘણી રજાઓ છે, જેના કારણે ઓછું મતદાન થઈ શકે છે, તેથી આ તારીખ બદલવી જોઈએ.

મોહન લાલ બડોલીએ પંચને પત્ર લખીને જણાવ્યું હતું કે 1 ઓક્ટોબરે મતદાનના દિવસ પહેલા અને પછી રજાઓ પડી રહી છે. આ રજાઓના કારણે લોકો બહાર ફરવા જઈ શકે છે. જેના કારણે મતદાનની ટકાવારીને અસર થઈ શકે છે. તેના આધારે તેમણે ચૂંટણી પંચ અને હરિયાણાના મુખ્ય ચૂંટણી અધિકારીને મતદાનની તારીખ બદલવાની વિનંતી કરી હતી.

1 ઓક્ટોબર પહેલા અને પછી ઘણી રજાઓ. તેમના પત્રમાં તેમણે ઉલ્લેખ કર્યો છે કે 28મીએ શનિવાર છે અને 29મીએ રવિવાર છે, 30મીએ સોમવાર છે એટલે કે કામકાજના દિવસ વચ્ચે અને મતદાન 1 ઓક્ટોબર મંગળવારના રોજ થશે. જ્યારે 2જી ઓક્ટોબરે ગાંધી જયંતિની રજા છે, જ્યારે 3જી ઓક્ટોબરે અગ્રસેન જયંતીની રજા છે. આવી સ્થિતિમાં 6 દિવસનો લાંબો વીકેન્ડ હોવાને કારણે લોકો રજાઓ પર જઈ શકે છે. લોકસભા ચૂંટણી પછી ચૂંટણી પંચે કહ્યું હતું કે અમે આ ચૂંટણીઓમાંથી એક બોધપાઠ લીધો છે કે ગરમીમાં અને સપ્તાહના અંતે ચૂંટણી ન યોજવી જોઈએ.