પાકિસ્તાનના અશાંત દક્ષિણપશ્ચિમ ક્ષેત્રમાં એક સ્કૂલ બસને નિશાન બનાવીને કરાયેલા આત્મઘાતી કાર બોમ્બ હુમલામાં ચાર બાળકોના મોત થયા છે. અધિકારીઓએ માહિતી આપી છે કે આ ઘટનામાં 38 લોકો ઘાયલ થયા છે, જેમને હોસ્પિટલમાં દાખલ કરવામાં આવ્યા છે. સમાચાર એજન્સીના અહેવાલ મુજબ, બુધવારે સવારે બલુચિસ્તાનના ખુઝદારમાં એક સ્કૂલ બસને નિશાન બનાવવામાં આવી હતી.
ડોન અખબારે ખુઝદાર જિલ્લાના ઝીરો પોઈન્ટ નજીક બસ પસાર થઈ રહી હતી ત્યારે વિસ્ફોટ થયો હતો, એમ ખુઝદારના ડેપ્યુટી કમિશનર યાસીર ઈકબાલ દશ્તીએ જણાવ્યું હતું. દશ્તીએ જણાવ્યું હતું કે વિસ્ફોટમાં ચાર બાળકો માર્યા ગયા હતા જ્યારે 38 અન્ય ઘાયલ થયા હતા.
તેમણે કહ્યું કે ઘાયલોને નજીકની હોસ્પિટલમાં દાખલ કરવામાં આવ્યા છે. પાકિસ્તાનના ગૃહમંત્રી મોહસીન નકવીએ આ ઘટનાની કડક નિંદા કરી છે. તેમણે કહ્યું, “નિર્દોષ બાળકોને નિશાન બનાવતા ગુનેગારો પ્રત્યે કોઈ પણ પ્રકારની ઉદારતા દાખવવી જોઈએ નહીં.”
