બસપાના માઠા દિવસો.પહેલી વાર એવું બનશે કે સંસદના એકેય ગૃહમાં બસપાના કોઈ સાંસદ નહીં હોય.એક મજબૂત ત્રીજા વિકલ્પ તરીકે ઊભરેલી બહુજન સમાજ પાર્ટી આજે પોતાના સૌથી કપરા સમયમાંથી પસાર થઈ રહી છે.ઉત્તર પ્રદેશના ૧૦ રાજ્યસભા સાંસદોનો કાર્યકાળ નવેમ્બર ૨૦૨૬માં ખતમ થઈ રહ્યો છે. આ ૧૦ રાજ્યસભા સાંસદોમાં ભાજપના ૮, સપાના અને બસપાના એક-એક સભ્ય છે. ૨૦૨૬માં રિટાયર થનારા રાજ્યસભા સાંસદોમાં ભાજપમાંથી બૃજલાલ, સીમા દ્વિવેદી, ચંદ્રપ્રભા ઉર્ફ ગીતા, હરદીપ સિંહ પુરી, દિનેશ શર્મા, નીરજ શેખર, અરુણ સિંહ અને બીએલ વર્માનું નામ સામેલ છે. સપામાંથી પ્રોફેસર રામગોપાલ યાદવ અને બસપામાંથી રામજી ગૌતમ છે. રામજી ગૌતમ બાદ બસપા શૂન્ય સાંસદોવાળી પાર્ટી બની જશે. લગભગ ૩૬ વર્ષમાં પહેલી વાર એવું બનશે, જ્યાં સંસદના કોઈ પણ સદનમાં બસપાનું પ્રતિનિધિત્વ શૂન્ય થઈ જશે.
લગભગ બે દાયકા સુધી કોંગ્રેસ-ભારતીય જનતા પાર્ટીની રાજનીતિની વચ્ચે એક મજબૂત ત્રીજા વિકલ્પ તરીકે ઊભરેલી બહુજન સમાજ પાર્ટી આજે પોતાના સૌથી કપરા સમયમાંથી પસાર થઈ રહી છે. દલિત અસ્મિતા અને ઉત્તર પ્રદેશના રાજકારણના સહારે રાષ્ટ્રીય ઓળખ બનાવનારી બીએસપી ૨૦૨૪ની લોકસભા ચૂંટણીમાં એક પણ સીટ જીતી શકી નહોતી. હવે સ્થિતિ એવી થઈ છે કે પાર્ટી પહેલી વાર સંસદમાંથી સંપૂર્ણપણે બહાર થવાની અણીએ આવી ગઈ છે.
બીએસપીના એકમાત્ર સાંસદ, રાજ્યસભા સાંસદ રામજી ગૌતમનો કાર્યકાળ નવેમ્બર ૨૦૨૬માં સમાપ્ત થઈ જશે. ત્યાર બાદ પાર્ટીની સંસદમાં હાજરી લગભગ ખતમ થઈ જશે. વરિષ્ઠ પત્રકાર વિજય ઉપાધ્યાયે જણાવ્યું કે બહુજન સમાજ પાર્ટી ૨૦૦૭માં ઉત્તર પ્રદેશમાં પૂર્ણ બહુમત સાથે સરકાર બનાવવાની હતી. ત્યાર બાદ સતત બહુજન સમાજ પાર્ટીનો ગ્રાફ નીચે જતો ગયો, તેમાં ખાલી વોટ શેર નહીં પણ સંસદ અને વિધાનસભામાં પણ પાર્ટીનું પ્રતિનિધિત્વ સતત નીચે ગયું છે. ઉત્તર પ્રદેશની વિધાનસભામાં જ્યાં બહુજન સમાજ પાર્ટીના એક સભ્ય છે. તો વળી બિહાર વિધાનસભામાં પણ એક જ સભ્ય છે, આવા સમયે પાર્ટી માટે આ પરીક્ષાની ઘડી ચાલી રહી છે.
તેમણે આગળ કહ્યું કે ઉત્તર પ્રદેશમાં ૨૦૨૭માં વિધાનસભાની ચૂંટણી પણ થવાની છે. બહુજન સમાજ પાર્ટી સતત કોશિશ કરી રહી છે કે તેઓ પોતાનું સન્માન બચાવી રાખે. એક તરફ જ્યાં નવા ચહેરાને બહુજન સમાજ પાર્ટીએ મોકા આપ્યા છે, તો વળી આશા છે કે જે રીતે સંસદમાં પહેલી વાર આવું થવા જઈ રહ્યું છે કે બહુજન સમાજ પાર્ટીના કોઈ પણ સદનમાં એક પણ સભ્ય નહીં હોય. માનવામાં આવે છે કે બહુજન સમાજ પાર્ટી આમાંથી શીખામણ લેતા કોઈને કોઈ સકારાત્મક રસ્તો પોતાના માટે કાઢી લેશે.
