કચેરીમાં રહેલો દવાનો જથ્થો તેની ઝપેટમાં આવી ગયો હતો.રાજુલાના વિકટર ગામની હેલ્થ કચેરીમાં ભીષણ આગ લાગી.આગ એટલી ઝડપથી પ્રસરી હતી કે જાેતજાેતામાં કચેરીમાં રહેલો દવાનો જથ્થો તેની ઝપેટમાં આવી ગયો હતો.અમરેલી જિલ્લાના રાજુલા તાલુકાના વિકટર ગામે આવેલી બ્લોક હેલ્થ કચેરીમાં આજે અચાનક આગ ફાટી નીકળતા સમગ્ર પંથકમાં દોડધામ મચી ગઈ હતી. આગ એટલી ઝડપથી પ્રસરી હતી કે જાેતજાેતામાં કચેરીમાં રહેલો દવાનો જથ્થો તેની ઝપેટમાં આવી ગયો હતો.આગ લાગતાની સાથે જ કચેરી પરિસરમાં અફડાતફડીનો માહોલ સર્જાયો હતો. ઘટનાની ગંભીરતા જાેઈને સ્થાનિક લોકો તાત્કાલિક મદદ માટે દોડી આવ્યા હતા અને પાણીનો મારો ચલાવી આગને બુઝાવવાના પ્રયાસો હાથ ધર્યા હતા.
ઘટનાની જાણ થતા જ રાજુલા ફાયર વિભાગ અને ૧૧૨ની ટીમ ઘટનાસ્થળે પહોંચી ગઈ હતી. ફાયર ફાઈટરો દ્વારા સતત પાણીનો મારો ચલાવી ભારે જહેમત બાદ આગ પર સંપૂર્ણ કાબુ મેળવી લેવાયો હતો. જેને પગલે મોટી હોનારત ટળી હતી.
પ્રાથમિક વિગતો મુજબ, આ આગમાં હેલ્થ કચેરીમાં રાખવામાં આવેલ દવાનો જથ્થો બળીને ખાખ થઈ ગયો છે, જેના કારણે મોટું આર્થિક નુકશાન થયું હોવાનું મનાય છે. જાેકે, સદનસીબે આ દુર્ઘટનામાં કોઈ જાનહાનિના સમાચાર પ્રાપ્ત થયા નથી. આગ લાગવાનું ચોક્કસ કારણ હજુ સુધી જાણી શકાયું નથી. વહીવટી તંત્ર દ્વારા આગ લાગવાના કારણો જાણવા માટે તપાસના ચક્રો ગતિમાન કરવામાં આવ્યા છે.
