સોનાના ભાવમાં ૫.૭૭ ટકાનો વધારો નોંધાયો સોનું મજબૂત સપોર્ટ પર, એક સપ્તાહમાં રૂપિયા ૭,૮૦૦થી વધુનો વધારો હાલમાં ગોલ્ડ ફ્યુચર્સ આશરે ૧,૪૪,૫૦૦ રૂપિયા પર અને સિલ્વર ફ્યુચર્સ ૨,૨૭,૭૫૦ રૂપિયા પ્રતિ કિલોની આસપાસ છે યુદ્ધના કારણે વૈશ્વિક તણાવ અને ક્રૂડ ઓઈલના ભાવમાં આવેલા ઘટાડા વચ્ચે આ સપ્તાહે સોનાના ભાવમાં ૫.૭૭ ટકાનો વધારો નોંધાયો છે. શુક્રવારે MCX (મલ્ટી કોમોડિટી માર્કેટ)માં ગોલ્ડ એપ્રિલ વાયદામાં ૦.૧૫ ટકાની વૃદ્ધિ જાેવા મળી હતી, જ્યારે MCX સિલ્વર મે વાયદામાં ૦.૦૯ ટકાનો નજીવો ઘટાડો થયો હતો. હાલમાં ગોલ્ડ ફ્યુચર્સ આશરે ૧,૪૪,૫૦૦ રૂપિયા પર અને સિલ્વર ફ્યુચર્સ ૨,૨૭,૭૫૦ રૂપિયા પ્રતિ કિલોગ્રામની આસપાસ છે. ઈન્ડિયા બુલિયન એન્ડ જ્વેલર્સ એસોસિએશન (IBJA)ના ડેટા મુજબ, ૯૯૯ શુદ્ધતા ધરાવતા સોનાનો ભાવ શુક્રવારે ૧,૪૨,૯૪૨ રૂપિયા પ્રતિ ૧૦ ગ્રામ રહ્યો હતો, જે સોમવારના ૧,૩૫,૧૪૧ રૂપિયા કરતા ૭૮૦૧ રૂપિયા વધારે છે. પરંતુ કારોબારના અંતિમ દિવસે સ્પોટ ગોલ્ડમાં થોડો ઘટાડો જાેવા મળ્યો હતો, કારણ કે અમેરિકન ડોલર મજબૂત થવાને કારણે કિંમતો પર દબાણ વધ્યું હતું.
ભારતમાં સ્ઝ્રઠ ગોલ્ડ સપ્તાહના નીચલા સ્તર ૧,૨૯,૫૯૫ રૂપિયા પ્રતિ ૧૦ ગ્રામથી સારી રિકવરી દર્શાવી છે. બીજી તરફ આંતરરાષ્ટ્રીય બજારમાં કોમેક્સ ગોલ્ડ ૪,૫૦૦ ડોલર પ્રતિ ટ્રોય ઔંસની ઉપર બંધ થયું હતું. નિષ્ણાતોનું કહેવું છે કે તાજેતરમાં સોનામાં થોડો ઘટાડો એટલા માટે આવ્યો કારણ કે રોકાણકારોએ નુકસાનની ભરપાઈ કરવા માટે સોનું વેચીને રોકડ એકઠી કરી હતી, પરંતુ એકંદરે સોનામાં તેજીનું વલણ હજુ પણ મજબૂત છે. કેન્દ્રીય બેંકો સતત સોનાની ખરીદી કરી રહી છે અને વૈશ્વિક તણાવ પણ કિંમતોને ટેકો આપી રહ્યો છે.
આ ઉપરાંત, યુએસ ટ્રેઝરી યીલ્ડ વધવાથી સોના જેવા વ્યાજ વગરના રોકાણનું આકર્ષણ થોડું ઘટ્યું છે, જેના કારણે કિંમતો પર દબાણ આવ્યું હતું. બીજી તરફ, આ અઠવાડિયે બ્રેન્ટ ક્રૂડની કિંમત લગભગ ૧૨૦ ડોલરથી ઘટીને ૯૩ ડોલર પ્રતિ બેરલ પર આવી ગઈ છે, જેના કારણે ફુગાવાની ચિંતા ઓછી થઈ અને સોનાને નીચલા સ્તરેથી બહાર આવવામાં મદદ મળી. નિષ્ણાતોના અનુમાન મુજબ આગામી સમયમાં બજારમાં ઉતાર-ચઢાવ ચાલુ રહી શકે છે, કારણ કે મધ્ય પૂર્વના સમાચાર, ક્રૂડ ઓઈલની કિંમતો અને કેન્દ્રીય બેંકોના ર્નિણયો બજારને પ્રભાવિત કરશે. એક વિશ્લેષકે જણાવ્યું કે ગયા સપ્તાહના તીવ્ર ઘટાડા બાદ હવે કોમોડિટી બજાર સ્થિર થવાનો પ્રયાસ કરી રહ્યું છે અને કિંમતો ધીમે ધીમે મજબૂતી મેળવી રહી છે. હાલમાં MCX ગોલ્ડ ૧,૩૬,૦૦૦ થી ૧,૪૦,૦૦૦ રૂપિયાના સ્તરની આસપાસ મજબૂત સપોર્ટ પર છે, જ્યારે ઉપરની તરફ ૧,૫૫,૦૦૦ થી ૧,૬૦,૦૦૦ રૂપિયાનું સ્તર મહત્વનું રેઝિસ્ટન્સ માનવામાં આવે છે.
