ખાખીની આબરૂના ધજાગરા.CID ક્રાઈમના PI અને કોન્સ્ટેબલ ૩૦ લાખની લાંચ લેતા ઝડપાયા!.કોલ સેન્ટર કેસમાં કાર્યવાહી ન કરવા લાંચ માંગી હતી.ગુજરાત એન્ટી કરપ્શન બ્યુરો (ACB) એ ૧૫ ડિસેમ્બર, ૨૦૨૫ ના રોજ ગાંધીનગરમાં એક મોટી સફળ ટ્રેપ ગોઠવીને CID ક્રાઇમના એક પોલીસ ઇન્સ્પેક્ટર (PI ) અને એક આર્મ્ડ પોલીસ કોન્સ્ટેબલને ૩૦ લાખની લાંચ લેતા રંગેહાથ ઝડપી પાડ્યા છે. કોલ સેન્ટરના એક ગુનામાં કાર્યવાહી ન કરવા અને સેટલમેન્ટ કરવા બદલ આ બંને પોલીસકર્મીઓએ લાંચની માંગણી કરી હતી, જેના પગલે ACB મ્એ આ કાર્યવાહી કરી હતી.
ACB સૂત્રો પાસેથી મળતી માહિતી મુજબ, આ કેસના ફરિયાદી અને તેમના મિત્ર વિરુદ્ધ CID ક્રાઇમ ગાંધીનગર ઝોન પોલીસ સ્ટેશનમાં ગુ.ર.નં. ૨૨/૨૦૨૪ હેઠળ કોલ સેન્ટરનો ગુનો નોંધાયેલો છે. આ ગુનામાં કોઈપણ પ્રકારની કાર્યવાહી ન કરવા બદલ CID ક્રાઇમના પોલીસ ઇન્સ્પેક્ટર પેથા કમરશીભાઈ પટેલ અને આર્મ્ડ પોલીસ કોન્સ્ટેબલ વિપુલ બાબુભાઈ દેસાઈ દ્વારા મોટી રકમની લાંચની માંગણી કરવામાં આવી હતી. લાંબી રકઝકના અંતે આ રકમ ૩૦,૦૦,૦૦૦/- આપવાનું નક્કી થયું હતું.
ફરિયાદી લાંચની રકમ આપવા માગતા ન હોવાથી તેમણે તુરંત છઝ્રમ્નો સંપર્ક કર્યો હતો. જેના પગલે ACB અમદાવાદ શહેરના પોલીસ ઇન્સ્પેક્ટર ડી.એન. પટેલ અને તેમની ટીમે લાંચનું છટકું (ટ્રેપ) ગોઠવ્યું હતું. ધી ઓફિસીસ હરી ગ્રુપ નામની નવી બનતી સાઇટની સામે, સ્વાગત સિટી મોલથી આગળ, જાહેર રોડ પર, સરગાસણ, ગાંધીનગર. સ્વીકારેલ રકમ: રૂ.૩૦,૦૦,૦૦૦/- લાંચના છટકા દરમિયાન, કોન્સ્ટેબલ વિપુલ દેસાઈએ ફરિયાદી પાસેથી ૩૦ લાખની રકમ સ્વીકારી હતી.
આ સમયે,PI પી.કે. પટેલે પણ આ લાંચ સ્વીકારવા માટે સંમતિ આપી હતી અને કોન્સ્ટેબલને મદદગારી કરી હતી. છઝ્રમ્ની ટીમે તાત્કાલિક કાર્યવાહી કરીને કોન્સ્ટેબલ વિપુલ દેસાઈને રંગેહાથ ઝડપી પાડ્યો હતો. ત્યારબાદ, બંને લાંચિયા પોલીસ કર્મચારીઓની ધરપકડ કરવામાં આવી છે અને કાયદેસરની કાર્યવાહી હાથ ધરવામાં આવી છે. આ સમગ્ર ઓપરેશનનું સુપરવિઝન ACB અમદાવાદ એકમના ઇન્ચાર્જ મદદનીશ નિયામક ડી.એન. પટેલ દ્વારા કરવામાં આવ્યું હતું.
CID ક્રાઇમ દ્વારા જે ગુનાની તપાસ કરવામાં આવી રહી છે, તેમાં કાર્યવાહી ન કરવા બદલ PI પી.કે. પટેલ અને કોન્સ્ટેબલ વિપુલ દેસાઈએ કાવતરું રચીને અને ગર્ભિત ધમકીઓ આપીને ફરિયાદી પાસે લાંચની માંગણી કરી હતી. ફરજ પરના બે જવાબદાર અધિકારીઓ દ્વારા લાંચ લેવાના આ કૃત્યથી ખાખી વર્દીની આબરૂના ધજાગરા ઉડ્યા છે.
પેથાભાઇ કરમશીભાઇ પટેલ પોલીસ ઇન્સપેક્ટર સી.આઇ.ડી. ક્રાઇમ, સી.આઇ. સેલ, ગાંધીનગર અને વિપુલભાઇ બાબુભાઇ દેસાઇ આર્મ્ડ પોલીસ કોન્સ્ટેબલ, સી.આઇ.ડી. ક્રાઇમ, સી.આઇ. સેલ, ગાંધીનગર.
