Earthquake In Gujarat: ગુજરાતના તાલાલા નજીક ભૂકંપના બે આંચકા અનુભવાયા હતા. ભૂકંપની તીવ્રતા ચારથી ઓછી માપવામાં આવી હતી. મળતી માહિતી મુજબ ગીર સોમનાથ જિલ્લાના તાલાલામાં બુધવારે બપોરે 3.7ની તીવ્રતાનો ભૂકંપ આવ્યો હતો. થોડી જ વારમાં 3.4ની તીવ્રતાનો બીજો ભૂકંપ આવ્યો.
ઇન્સ્ટિટ્યૂટ ઑફ સિસ્મિક રિસર્ચ (ISR) એ તેના અહેવાલમાં જણાવ્યું હતું કે બપોરે 3.14 વાગ્યે 3.7 તીવ્રતાનો ભૂકંપ આવ્યો હતો, જેનું કેન્દ્ર રાજ્યના સૌરાષ્ટ્ર વિસ્તારમાં તાલાલાથી લગભગ 13 કિમી ઉત્તર-ઉત્તરપૂર્વમાં હતું. બપોરે 3:18 વાગ્યે, 3.4ની તીવ્રતાનો બીજો ભૂકંપ આવ્યો, જેનું કેન્દ્રબિંદુ તાલાલાથી ઉત્તર-ઉત્તરપૂર્વમાં લગભગ 12 કિલોમીટર દૂર હતું. જિલ્લા પ્રશાસને કહ્યું કે ભૂકંપના કારણે જાનમાલના નુકસાનના કોઈ સમાચાર નથી.
ગુજરાતમાં 26 જાન્યુઆરી, 2001ના રોજ 7.7ની તીવ્રતાનો ભૂકંપ આવ્યો હતો, જેનું કેન્દ્ર કચ્છ હતું. છેલ્લી બે સદીઓમાં ભારતમાં આ ત્રીજો સૌથી મોટો અને બીજો સૌથી વિનાશકારી ભૂકંપ હતો. તેમાં મોટી સંખ્યામાં જિલ્લાના શહેરો અને ગામડાઓ નાશ પામ્યા હતા. આ સમયગાળા દરમિયાન 13800 લોકોએ જીવ ગુમાવ્યા અને 1.67 લાખ લોકો ઘાયલ થયા.
