Gujrat weather report: ગુજરાતમાં વરસાદે તબાહી મચાવી છે. છેલ્લા બે દિવસથી ભારે વરસાદ પડી રહ્યો છે. અવિરત વરસાદને કારણે કેટલાક વિસ્તારોમાં પાણી ભરાયા છે. ભારતીય હવામાન વિભાગ (IMD) એ સંકેત આપ્યા છે કે આગામી બે દિવસમાં રાજ્યમાં ભારે વરસાદ ચાલુ રહેવાની શક્યતા છે. IMD એ 25 જુલાઈએ કેટલાક વિસ્તારો માટે રેડ એલર્ટ જાહેર કર્યું છે, જ્યારે અન્ય ભાગોને ઓરેન્જ એલર્ટ પર મૂકવામાં આવ્યા છે.
24 જુલાઈએ સુરત, નવસારી, વલસાડ, દમણ, દાદરા અને નગર હવેલી, પોરબંદર, જૂનાગઢ અને દ્વારકામાં ભારે વરસાદની સંભાવનાને ધ્યાનમાં રાખીને રેડ એલર્ટ જારી કરવામાં આવ્યું છે. જ્યારે છોટા ઉદેપુર, નર્મદા, ભરૂચ, ડાંગ, તાપી, સુરેન્દ્રનગર, જામનગર, અમરેલી, ભાવનગર, મોરબી, બોટાદ અને દીવ માટે ઓરેન્જ એલર્ટ જાહેર કરવામાં આવ્યું છે. બનાસકાંઠા, પાટણ, અમદાવાદ, આણંદ, પંચમહાલ, દાહોદ અને વડોદરા માટે યલો એલર્ટ જાહેર કરવામાં આવ્યું છે.
25 જુલાઈએ સુરત, નવસારી, વલસાડ, દમણ, દાદરા અને નગર હવેલી, પોરબંદર અને જૂનાગઢ માટે ઓરેન્જ એલર્ટ જાહેર કરવામાં આવ્યું છે. આ વિસ્તારોમાં ભારેથી અતિભારે વરસાદની સંભાવના છે. છોટા ઉદેપુર, નર્મદા, ભરૂચ, ડાંગ, તાપી, રાજકોટ, જામનગર, અમરેલી, ભાવનગર, દ્વારકા, ગીર સોમનાથ અને દીવ માટે યલો એલર્ટ જાહેર કરવામાં આવ્યું છે.
26 જુલાઈના રોજ સુરત, નવસારી, વલસાડ, દમણ, દાદરા અને નગર હવેલી, રાજકોટ, પોરબંદર અને જૂનાગઢમાં ભારેથી અતિભારે વરસાદની શક્યતા છે. આ વિસ્તારોને ઓરેન્જ એલર્ટ પર મૂકવામાં આવ્યા છે. ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, ડાંગ, તાપી, સુરેન્દ્રનગર, જામનગર, અમરેલી, ભાવનગર, દ્વારકા, ગીર સોમનાથ, બોટાદ માટે યલો એલર્ટ જાહેર કરવામાં આવ્યું છે.
નવસારી, વલસાડ, દમણ, દાદરા અને નગર હવેલી અને ભાવનગરને 28 જુલાઈના રોજ ભારેથી અતિભારે વરસાદની સંભાવનાને ધ્યાનમાં રાખીને ઓરેન્જ એલર્ટ પર મૂકવામાં આવ્યા છે. જ્યારે પંચમહાલ, દાહોદ, છોટા ઉદેપુર, નર્મદા, ભરૂચ, સુરત, ડાંગ, તાપી અને અમરેલી માટે યલો એલર્ટ જાહેર કરવામાં આવ્યું છે.
