પેટ્રોલ-ડીઝલ બાદ હવે CNG ભાવમાં ભડકો.અદાણી ગેસે પ્રતિ કિલોગ્રામ ૨ રૂપિયાનો વધારો ઝીંક્યો. CNG ભાવમાં ફરી વધારો થતાં વાહનચાલકો અને ટ્રાન્સપોર્ટ વ્યવસાય સાથે જાેડાયેલા લોકો પર આર્થિક ભાર વધ્યો છે.ગુજરાતમાં અદાણી ગેસે ફરી એકવાર સીએનજી (CNG)ના ભાવમાં પ્રતિ કિલોગ્રામ ૨ રૂપિયાનો વધારો ઝીંક્યો છે.
મોંઘવારીના મારથી પીડાતા સામાન્ય ગ્રાહકો પર આ વધારાથી આર્થિક બોજ વધુ વધશે. આ તાજેતરના ભાવવધારા બાદ હવે અદાણી CNG કિંમત વધીને ૮૮.૨ રૂપિયા પ્રતિ કિલો થઈ ગઈ છે. આ નવા વધારા સાથે વર્ષ ૨૦૨૬ની શરૂઆતથી અત્યાર સુધીમાં ગુજરાતમાં CNG ભાવમાં પ્રતિ કિલોએ કુલ ૮.૬૦ રૂપિયાનો તોતિંગ વધારો થઈ ચૂક્યો છે.
ચાલુ મે મહિનામાં જ CNG ભાવમાં આ બીજી વખત વધારો કરવામાં આવ્યો છે. આ અગાઉ ૧૬ મેના રોજ કંપનીએ પ્રતિ કિલો ૨.૨૫ રૂપિયાનો વધારો કર્યો હતો. બેક-ટુ-બેક (એક પછી એક) થયેલા આ ભાવવધારાને કારણે વાહનચાલકોમાં ભારે નારાજગી જાેવા મળી રહી છે. ખાસ કરીને ઓટો-રિક્ષા ચાલકો, કેબ ઓપરેટર્સ અને મધ્યમ વર્ગના મુસાફરો, જેમણે ઈંધણનો ખર્ચ ઘટાડવા માટે CNG વાહનો અપનાવ્યા હતા, તેઓ આ ર્નિણયથી મુશ્કેલીમાં મુકાયા છે.
આ અગાઉ મંગળવારે દિલ્હી અને NCR (રાષ્ટ્રીય રાજધાની ક્ષેત્ર)માં પણ ઈન્દ્રપ્રસ્થ ગેસ લિમિટેડ (IGL) દ્વારા CNG ભાવમાં પ્રતિ કિલો રૂ.૨નો વધારો કરવામાં આવ્યો હતો
ગેસ વિતરણ કંપનીઓએ CNG દરોમાં થઈ રહેલા સતત વધારા માટે મુખ્યત્વે આંતરરાષ્ટ્રીય બજારની સ્થિતિને જવાબદાર ગણાવી છે.
વૈશ્વિક બજારમાં ડોલર વધુ મજબૂત થવાને કારણે ભારતીય કંપનીઓ માટે ગેસની આયાત કરવી વધુ મોંઘી બની રહી છે. આયાત ખર્ચ વધવાને કારણે આખરે તેનો બોજ સામાન્ય ગ્રાહકો પર આવી રહ્યો છે અને ઈંધણના ભાવ વધી રહ્યા છે.
