PFI Members Arrested: PFI પર મની લોન્ડરિંગ કેસમાં EDની કાર્યવાહી, 3 સભ્યોની ધરપકડPFI પર મની લોન્ડરિંગ કેસમાં EDની કાર્યવાહી, 3 સભ્યોની ધરપકડ

PFI Members Arrested : પ્રતિબંધિત પોપ્યુલર ફ્રન્ટ ઓફ ઈન્ડિયા (PFI)ના ત્રણ સભ્યોની ED દ્વારા આજે મની લોન્ડરિંગ કેસમાં ધરપકડ કરવામાં આવી છે. અબ્દુલ ખાદર પુત્તુર, અંશદ બદરુદ્દીન અને ફિરોઝના પીએફઆઈ માટે ફિઝિકલ ટ્રેનર તરીકે કામ કરતા હતા, સૂત્રોએ ઉમેર્યું હતું કે, પ્રિવેન્શન ઓફ મની લોન્ડરિંગ એક્ટ (PMLA) ની જોગવાઈઓ હેઠળ તેની ધરપકડ કરવામાં આવી હતી.

શસ્ત્રો વાપરવાની તાલીમ આપતા હતા

ધરપકડ કરાયેલા આરોપીઓને શનિવારે અહીંની વિશેષ અદાલતમાં રજૂ કરવામાં આવ્યા હતા. એજન્સીએ ત્રણેય શખ્સો પર PFI કેડરને હથિયારોની તાલીમ આપવાનો અને પ્રતિબંધિત સંગઠન પાસેથી તેના માટે નોંધપાત્ર ભંડોળ મેળવવાનો આરોપ મૂક્યો છે.

કેન્દ્રએ 2022 માં PFI પર પ્રતિબંધ મૂક્યો

PFI ને સપ્ટેમ્બર 2022 માં કેન્દ્ર દ્વારા આતંકવાદી પ્રવૃત્તિઓ સાથે કથિત લિંકને કારણે ગેરકાનૂની પ્રવૃત્તિઓ (પ્રિવેન્શન) એક્ટ (UAPA) ની જોગવાઈઓ હેઠળ પ્રતિબંધિત કરવામાં આવ્યો હતો. PFI ની રચના 2006 માં કેરળમાં કરવામાં આવી હતી, તેનું મુખ્યાલય દિલ્હીમાં હતું.