તાનાશાહની લાડલી હવે બનશે બોસ!કિમ જાેંગ ઉને ૧૩ વર્ષની પુત્રીને બનાવી ઉત્તરાધિકારી.ઉત્તર કોરિયાના તાનાશાહ અને સર્વોચ્ચ નેતા કિમ જાેંગ ઉને પોતાના ઉત્તરાધિકારીના નામની જાહેરાત કરી છે.ઉત્તર કોરિયાના તાનાશાહ અને સર્વોચ્ચ નેતા કિમ જાેંગ ઉને પોતાના ઉત્તરાધિકારીના નામની જાહેરાત કરી છે. ઉત્તર કોરિયાની નેશનલ ઈન્ટેલિજન્સ સર્વિસ (NIS)એ કહ્યું છે કે, સર્વોચ્ચ નેતાએ પોતાની લગભગ ૧૩ વર્ષની પુત્રી ‘કિમ જૂ-એ’ને પોતાના ઉત્તરાધિકારી બનાવવાની જાહેરાત કરી છે. છેલ્લા ઘણા સમયથી કિમ જૂ-એ પિતા સાથે અનેક મોટા કાર્યક્રમોમાં જાેવા મળી છે.
કિમ જાેંગ ઉન તાજેતરમાં જ ચીનના બેઈજિંગની મુલાકાતે ગયા હતા, ત્યારે તેમની સાથે પુત્રિ જૂ પણ જાેવા મળી હતી. NISએ અનેક ઉદાહરણોનો ઉલ્લેખ કરીને કહ્યું છે કે, દેશમાં મિસાઈલ પરિક્ષણ અને સૈન્ય પરેડ સહિતના સત્તાવાર કાર્યક્રમોમાં કિમ જૂની સતત હાજરી વધી છે.
ઉત્તર કોરિયામાં ઉત્તરાધિકારી તરીકે મહિલાની પસંદગીથી ઈતિહાસ રચાયો છે. કારણ કે અત્યાર સુધીમાં માત્ર પુરુષની જ પસંદગી થતી હતી. દર પાંચ વર્ષની જેમ આ મહિનાના અંતે નોર્થ કોરિયાના પાર્ટી કોંગ્રેસનો સૌથી મોટો રાજકીય કાર્યક્રમ યોજાવાનો છે, જેના કિમ જૂ ભાગ લેશે કે નહીં, તેના પર સૌની નજર છે.
મીડિયા રિપોર્ટ મુજબ, કિમ જૂ-એનો જન્મ ૨૦૧૦માં થયો છે. ઉત્તર કોરિયાએ સત્તાવાર રીતે કિમ જૂની ઉંમર જાહેર કરી નથી. કારણ કે નાગરિકોને ક્યારેક જ શાસક પરિવારની માહિતી આપવામાં આવે છે. કિમ માત્ર દેશમાં જ નહીં, વિદેશના અનેક કાર્યક્રમોમાં જાેવા મળી છે. કિમ જૂ સપ્ટેમ્બરમાં પિતા સાથે ચીન ગયા બાદ વધુ ચર્ચામાં આવી છે.
ઉત્તર કોરિયાની નેશનલ ઈન્ટેલિજન્સ સર્વિસનો દાવો છે કે, કિમ જૂ-એ કોઈ શિક્ષણ સંસ્થામાં અભ્યાસ કર્યો નથી, પરંતુ તેણે પ્યોંગયાંગમાં પોતાના ઘરે જ શિક્ષણ મેળવ્યું છે. તેણીને ઘોડેસવારી, સ્કીઈંગ અને તરવાની ટ્રેનિંગ આપવામાં આવી છે. જ્યારે કિમ જાેગ ઉન ૨૦૨૨માં એક મિસાઈલ લોન્ચિંગ કાર્યક્રમમાં જાેવા મળ્યા હતા, ત્યારે તેમની સાથે તેમની પુત્રી પણ પ્રથમવાર જાહેરમાં જાેવા મળી હતી. ત્યારબાદ તે અનેક કાર્યક્રમોમાં જાેવા મળી છે.
