દક્ષિણ આફ્રિકા અને પાકિસ્તાન વચ્ચેની પ્રથમ ટેસ્ટ મેચમાં એક એવું પરાક્રમ થયું જેણે ટેસ્ટ ક્રિકેટનો ઈતિહાસ બદલી નાખ્યો. પાકિસ્તાનનો પ્રથમ દાવ માત્ર 211 રન પર જ સિમિત રહ્યો હતો, જેના જવાબમાં આફ્રિકાએ 301 રન બનાવ્યા હતા અને પ્રથમ દાવમાં 90 રનની લીડ મેળવી હતી. બીજા દિવસની રમતના અંતે પાકિસ્તાને બીજા દાવમાં 88 રનના સ્કોર પર 3 વિકેટ ગુમાવી દીધી હતી પરંતુ હવે તે 2 રનથી પાછળ છે. પાકિસ્તાન ટીમની નબળી બેટિંગ કરતાં આફ્રિકા તરફથી ટેસ્ટ ડેબ્યૂ કરનાર કોર્બીન બોસ્કની વધુ ચર્ચા થઈ હતી, જેણે બેટ વડે 81 રનનું યોગદાન આપ્યું હતું અને પ્રથમ દાવમાં 4 વિકેટ પણ લીધી હતી.
દક્ષિણ આફ્રિકાના પ્રથમ દાવમાં કોર્બિન બોસ્ક નવમા સ્થાને બેટિંગ કરવા આવ્યો હતો અને 81 રન બનાવીને અણનમ પાછો ફર્યો હતો. એક સમયે આફ્રિકન ટીમે 213ના સ્કોર પર 8 વિકેટ ગુમાવી દીધી હતી, પરંતુ બોસ્કની મદદથી તે 300 રનનો આંકડો પાર કરવામાં સફળ રહી હતી. આ પહેલા આફ્રિકન બોલરોએ પાકિસ્તાની બેટ્સમેનોને ખૂબ જ પરેશાન કર્યા હતા. બોસ્ટ પોતાના જમણા હાથથી ઝડપી બોલિંગ કરે છે અને પ્રથમ દાવમાં તેણે પાકિસ્તાનના કેપ્ટન શાન મસૂદ સહિત 4 બેટ્સમેનોને પેવેલિયનમાં મોકલ્યા હતા.
ટેસ્ટ ક્રિકેટમાં 147 વર્ષ બાદ આવું બન્યું છે
કોર્બિન બોસ્ક હવે આઠ કે નીચેના નંબર પર બેટિંગ કરીને સૌથી વધુ સ્કોર બનાવનાર દક્ષિણ આફ્રિકાનો બેટ્સમેન બની ગયો છે. આ મામલે તેણે 122 વર્ષ જૂનો રેકોર્ડ તોડ્યો છે. તે જ સમયે, ટેસ્ટ ક્રિકેટના 147 વર્ષના ઈતિહાસમાં બોસ્ટ નવમા નંબર પર બેટિંગ કરતી વખતે ડેબ્યૂમાં સૌથી વધુ રન બનાવનાર ખેલાડી પણ બની ગયો છે. આ સિવાય તેણે પ્રથમ સાઉથ આફ્રિકન ખેલાડી બનવાનો રેકોર્ડ પણ બનાવ્યો છે જેણે પોતાના ટેસ્ટ ડેબ્યૂમાં માત્ર ફિફ્ટી જ નથી ફટકારી પરંતુ 4 વિકેટ પણ લીધી છે. બોસ્કે 81 રનની ઈનિંગમાં 15 ચોગ્ગા ફટકાર્યા હતા.
