US સંસદમાં બોલ્યા ટ્રમ્પ ‘ભારત-પાકિસ્તાન યુદ્ધ મેં અટકાવ્યું, નહીંતર કરોડો લોકો માર્યા ગયા હોત’ તાજેતરમાં અમેરિકાની સુપ્રીમ કોર્ટે ૬-૩ ના બહુમતીથી ટ્રમ્પ દ્વારા IEEPA હેઠળ લાદવામાં આવેલા ટેરિફને ગેરબંધારણીય ઠેરવી રદ કર્યા હતા.
અમેરિકન પ્રમુખ ડોનાલ્ડ ટ્રમ્પે તેમના બીજા કાર્યકાળના પ્રથમ ‘સ્ટેટ ઓફ ધ યુનિયન’ સંબોધનમાં અર્થતંત્ર અને વિદેશ નીતિને લઈને અત્યંત આક્રમક વલણ અપનાવ્યું છે. સુપ્રીમ કોર્ટ દ્વારા ટેરિફના ર્નિણયને રદ કરવામાં આવ્યા હોવા છતાં, ટ્રમ્પે નવા ‘ગ્લોબલ ટેરિફ’ દ્વારા પોતાનો ઈરાદો સ્પષ્ટ કરી દીધો છે. આ સાથે ડોનાલ્ડ ટ્રમ્પે અમેરિકાની સંસદમાં જ કહ્યું હતું કે મેં ૮ યુદ્ધ અટકાવ્યા. ભારત અને પાકિસ્તાન વચ્ચેનું યુદ્ધ પણ મેં જ અટકાવ્યું. નહીંતર બંને દેશો વચ્ચે પરમાણુ યુદ્ધ છંછેડાયું હોત. મને પાકિસ્તાની પીએમએ કહ્યું હતું કે તમે સારું કર્યું આ યુદ્ધ અટકાવી દીધું નહીંતર કરોડો લોકોએ જીવ ગુમાવ્યા હોત. પ્રમુખ ડોનાલ્ડ ટ્રમ્પે અમેરિકન કોંગ્રેસને સંબોધિત કરતા એક ક્રાંતિકારી વિચાર રજૂ કર્યાે છે.
તેમણે કહ્યું કે, “વિદેશી દેશો દ્વારા ચૂકવવામાં આવતા આ ટેરિફ આપણા દેશમાં ઇનકમ ટેક્સની આધુનિક પ્રણાલીનું સ્થાન લેશે. જેનાથી અમેરિકન નાગરિકો પરથી ટેક્સનો મોટો આર્થિક બોજ ઓછો થશે.” ટ્રમ્પના મતે, જે દેશો દાયકાઓથી અમેરિકાને ‘લૂંટી’ રહ્યા હતા, તેઓ હવે અબજાે ડોલરની ચૂકવણી કરી રહ્યા છે અને તેમ છતાં તેઓ ખુશ છે કારણ કે નવા કરારો થઈ ચૂક્યા છે.તાજેતરમાં અમેરિકાની સુપ્રીમ કોર્ટે ૬-૩ ના બહુમતીથી ટ્રમ્પ દ્વારા IEEPA હેઠળ લાદવામાં આવેલા ટેરિફને ગેરબંધારણીય ઠેરવી રદ કર્યા હતા. કોર્ટે કહ્યું હતું કે આ માટે સંસદની મંજૂરી જરૂરી છે. આ ર્નિણયને ટ્રમ્પે ‘દુર્ભાગ્યપૂર્ણ’ ગણાવ્યો હતો. જાેકે, કોર્ટના આ આંચકાના ૨૪ કલાકની અંદર જ ટ્રમ્પે પોતાની સત્તાનો ઉપયોગ કરી ગ્લોબલ ટેરિફને ૧૦% થી વધારીને ૧૫% કરી દીધો છે. તેમણે ચેતવણી આપી કે જાે નવા સોદા નહીં થાય, તો તેઓ કાયદેસર રીતે વધુ કડક ટેરિફ લાદી શકે છે.સંબોધન દરમિયાન ટ્રમ્પે અમેરિકન પુરૂષ હોકી ટીમના ગોલકીપર કોનર હેલેબ્યુકને દેશના સર્વાેચ્ચ નાગરિક સન્માન ‘પ્રેસિડેન્શિયલ મેડલ ઓફ ળીડમ‘ આપવાની જાહેરાત કરી હતી. અમેરિકાએ ૨૦૨૬ વિન્ટર ઓલિમ્પિકના ફાઈનલમાં કેનેડાને હરાવીને ૪૬ વર્ષ પછી ગોલ્ડ મેડલ જીત્યો છે.
