ગઠબંધનનું સત્તાવાર એલાન.મરાઠી મતોનું ધ્રુવીકરણ રોકવા ઠાકરે પરિવાર એકજૂથ.આ રણનીતિથી મુંબઈના મતદારોમાં એક નવો આત્મવિશ્વાસ જાેવા મળી શકે છ.મહારાષ્ટ્રના રાજકારણમાં અત્યાર સુધીના સૌથી મોટા સમાચાર સામે આવી રહ્યા છે. મુંબઈ મહાનગરપાલિકા (BMC) ની આગામી ચૂંટણીને ધ્યાનમાં રાખીને ઉદ્ધવ ઠાકરે અને રાજ ઠાકરે હાથ મિલાવી શકે છે. લાંબા સમયથી ચાલી રહેલી અટકળોનો અંત લાવીને બંને ભાઈઓ આજે સત્તાવાર રીતે ગઠબંધનની જાહેરાત કરે તેવી પ્રબળ શક્યતા છે. આ જાેડાણ માત્ર બે પક્ષોનું મિલન નથી, પરંતુ ઠાકરે પરિવારના વારસાને ફરી એક કરવાનો પ્રયાસ માનવામાં આવી રહ્યો છે.
આ ગઠબંધન પાછળનો મુખ્ય ઉદ્દેશ્ય મરાઠી મતોનું વિભાજન રોકવાનો છે. છેલ્લા કેટલાક સમયથી મુંબઈમાં મરાઠી મતો વિવિધ પક્ષો વચ્ચે વહેંચાઈ રહ્યા હતા, જેનો સીધો ફાયદો ભાજપ અને અન્ય વિરોધી પક્ષોને થતો હતો. ઉદ્ધવ અને રાજ ઠાકરે જાણે છે કે જાે ‘મરાઠી માણસ‘ ને પોતાની તરફ રાખવો હશે, તો બંને સેનાઓએ એક મંચ પર આવવું અનિવાર્ય છે. આ રણનીતિથી મુંબઈના મતદારોમાં એક નવો આત્મવિશ્વાસ જાેવા મળી શકે છે.
સૂત્રોના જણાવ્યા અનુસાર, શિવસેના (UBT) અને MNS વચ્ચે બેઠકોની વહેંચણી અંગેના કરાર પણ લગભગ ફાઈનલ થઈ ગયા છે. આજે થનારી જાહેરાતમાં કયા પક્ષને કેટલી અને કઈ બેઠકો મળશે તેનો ખુલાસો થઈ શકે છે. આ એક વ્યૂહાત્મક જાેડાણ છે જેમાં બંને પક્ષો પોતાની મજબૂત પકડ ધરાવતા વિસ્તારોમાં એકબીજાને ટેકો આપશે. જાે આ ગઠબંધન સફળ રહ્યું, તો BMC ના ઈતિહાસમાં આ એક મોટો વળાંક સાબિત થશે.
