ઇરાન પર અમેરિકન હુમલા વચ્ચે ટ્રમ્પનો મોટો દાવો હોર્મુઝ સ્ટ્રેટ હવે લગભગ સંપૂર્ણપણે અમેરિકાના નિયંત્રણમાં ટ્રમ્પે કહ્યું, “હું ઈરાનને વાટાઘાટોના ટેબલ પર લાવવાનો પ્રયાસ કરી રહ્યો નથી, જેમ કે એબીસી ફેક ન્યૂઝે સૂચવ્યું છે
ટ્રમ્પે એબીસી ન્યૂઝના એક અહેવાલને ફગાવી દીધો જેમાં દાવો કરવામાં આવ્યો હતો કે તેઓ તેહરાનને વાટાઘાટોના ટેબલ પર પાછા લાવવાનો પ્રયાસ કરી રહ્યા છે.
તેમણે કહ્યું કે તેમને ઈરાનને સોદા પર પહોંચવા માટે દબાણ કરવામાં કોઈ રસ નથી. ટ્રમ્પે કહ્યું, “હું ઈરાનને વાટાઘાટોના ટેબલ પર લાવવાનો પ્રયાસ કરી રહ્યો નથી, જેમ કે એબીસી ફેક ન્યૂઝે સૂચવ્યું છે. જાે તેઓ એવો સોદો કરે છે જે તેમના માટે નકામો હોય, તો મને કોઈ વાંધો નથી.” તેમણે વધુમાં કહ્યું કે તેઓ વર્તમાન પરિસ્થિતિને પસંદ કરે છે, જેમાં, તેમના શબ્દોમાં, હોર્મુઝ સ્ટ્રેટ પર તેમનો લગભગ સંપૂર્ણ નિયંત્રણ છે અને ઈરાનની અર્થવ્યવસ્થા સંપૂર્ણપણે તૂટી રહી છે. “તેઓ ફક્ત તે જ કરી રહ્યા છે જે થવાનું છે. ઈરાની લોકો ક્યારે ઉભા થશે અને લડશે?”
ફેબ્રુઆરીમાં સંઘર્ષ શરૂ થયો ત્યારથી, ટ્રમ્પ વારંવાર દાવો કરી રહ્યા છે કે અમેરિકાએ હોર્મુઝ સ્ટ્રેટ પર નિયંત્રણ મેળવી લીધું છે. જાે કે, તેહરાને વોશિંગ્ટનના દાવાઓને નકારી કાઢ્યા છે, અને કહ્યું છે કે ઈરાન આ વ્યૂહાત્મક જળમાર્ગ પર હજુ પણ નિયંત્રણ ધરાવે છે.
મંગળવારે અમેરિકાએ ઈરાન પર હુમલો કર્યો, જેના કારણે ઈરાને બદલો લેવાની ફરજ પડી. ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC) એ દાવો કર્યો કે તેણે જાેર્ડનના અકાબા નજીકના લશ્કરી મથક પર યુએસ મરીન કેમ્પને બેલિસ્ટિક મિસાઈલોથી નિશાન બનાવ્યો. આ હુમલામાં મોટી સંખ્યામાં યુએસ સૈનિકો માર્યા ગયા.
