ઓડિશામાં રેડ એલર્ટ અને વહીવટી તંત્ર ખડેપગે બંગાળની ખાડીમાં ‘ડીપ ડિપ્રેશન’ એક્ટિવ થતાં અનેક રાજ્યોમાં વરસાદનું એલર્ટ પરિસ્થિતિની ગંભીરતા જાેતાં સાત જિલ્લાઓમાં શૈક્ષણિક સંસ્થાઓ ૨૪ સપ્ટેમ્બર સુધી બંધ રાખવાનો આદેશ અપાયો
દેશના અનેક વિસ્તારોમાં ચોમાસું ફરી એકવાર રૌદ્ર સ્વરૂપ ધારણ કરી રહ્યું છે. બંગાળની ખાડી ઉપર સર્જાયેલા ગંભીર દબાણ (ડીપ ડિપ્રેશન) ના કારણે પૂર્વીય, મધ્ય અને દક્ષિણ ભારતના અનેક રાજ્યોમાં હવામાનનો મિજાજ બદલાયો છે. ભારતીય હવામાન વિભાગ ના જણાવ્યા અનુસાર, આ સિસ્ટમ ગતિશીલ બનીને જમીન સાથે ટકરાવા જઈ રહી છે, જેના કારણે આગામી દિવસોમાં અનેક જગ્યાએ ભારેથી અતિભારે વરસાદની ચેતવણી આપવામાં આવી છે.હવામાન વિભાગની ચેતવણીને પગલે ઓડિશામાં સૌથી વધુ અસર જાેવા મળી રહી છે. તટીય અને દક્ષિણી વિસ્તારોમાં ધોધમાર વરસાદ વરસી રહ્યો છે. સંભવિત આપત્તિને પહોંચી વળવા માટે રાજ્ય સરકાર દ્વારા ૩૩ ઓડ્રાફ ટીમો તૈનાત કરવામાં આવી છે, જેમાંથી ૨૪ ટીમો અત્યંત સંવેદનશીલ જિલ્લાઓમાં મોકલવામાં આવી છે.શૈક્ષણિક સંસ્થાઓ બંધ: પરિસ્થિતિની ગંભીરતા જાેતાં સાત જિલ્લાઓમાં શૈક્ષણિક સંસ્થાઓ ૨૪ સપ્ટેમ્બર સુધી બંધ રાખવાનો આદેશ અપાયો છે.સરકારી કર્મચારીઓની રજાઓ રદ: કટોકટીના પગલે તમામ સરકારી કર્મચારીઓની રજાઓ રદ કરીને ડ્યુટી પર હાજર રહેવા સૂચના અપાઈ છે.માછીમારો પર પ્રતિબંધ: દરિયાકાંઠે ૭૫ કિલોમીટર પ્રતિ કલાકની ઝડપે પવન ફૂંકાય તેવી શક્યતા હોવાથી ૨૪ સપ્ટેમ્બર સુધી માછીમારોને દરિયામાં ન જવા અને પુરીના દરિયાકિનારે નાહવા પર સંપૂર્ણ પ્રતિબંધ મૂકવામાં આવ્યો છે.યુપી, બિહાર અને ઉત્તરાખંડમાં વરસાદનો રાઉન્ડ શરૂઉત્તર ભારતના રાજ્યોમાં પણ હવામાન પલટાવાના સંકેત મળી ગયા છે.ઉત્તર પ્રદેશ અને ઉત્તરાખંડ: પૂર્વીય યુપીમાં ગુરુવારથી ગાજવીજ સાથે વરસાદની શરૂઆત થશે અને ૨૫-૨૬ સપ્ટેમ્બર દરમિયાન ભારે વરસાદનું અનુમાન છે. બીજી તરફ, ઉત્તરાખંડમાં શુક્રવારથી વરસાદનું જાેર વધીને શનિવારે પર્વતીય વિસ્તારોમાં અતિભારે વરસાદ પડી શકે છે.બિહાર: ગુરુવાર અને શુક્રવારે બિહારના કેટલાક ભાગોમાં ભારેથી અતિભારે વરસાદ પડવાની સંભાવના વ્યક્ત કરવામાં આવી છે.દિલ્હી-એનસીઆરમાં સૂકું હવામાન અને અન્ય રાજ્યોની સ્થિતિરાષ્ટ્રીય રાજધાની દિલ્હી-એનસીઆરમાં હાલમાં કોઈ મોટું એલર્ટ નથી અને અહીં બુધવારે હવામાન સામાન્ય રીતે સૂકું રહેવાની સંભાવના છે. જાેકે, મહત્તમ તાપમાન ૩૪ થી ૩૬ ડિગ્રીની આસપાસ જળવાઈ રહેશે.બીજી તરફ, મધ્ય ભારત અને દક્ષિણ ભારતના રાજ્યો જેવા કે છત્તીસગઢ, મધ્ય પ્રદેશ, વિદર્ભ, તટીય કર્ણાટક, આંધ્ર પ્રદેશ અને તેલંગાણામાં પણ ભારેથી અતિભારે વરસાદની આગાહી કરવામાં આવી છે. હવામાન વિભાગે સંબંધિત વિસ્તારોના લોકોને સતર્ક રહેવા અને સ્થાનિક અપડેટ્સ પર નજર રાખવા અપીલ કરી છે.
