રૂપિયા એક કરોડની દરખાસ્ત મંજૂર અમદાવાદીઓ માટે જૂના મિલકત દસ્તાવેજાે મેળવવા સરળ બનશે એસ્ટેટ અને ટેક્સ વિભાગની ૮૦થી ૯૦ વર્ષ જૂની ફાઈલોનું સ્કેનિંગ થશે, નિયત ફી ચૂકવી દસ્તાવેજાે મેળવી શકાશે અમદાવાદ મ્યુનિ.ના એસ્ટેટ અને ટેક્સ સહિતના ખાતાઓને લગતા કોઈપણ મહત્ત્વના જૂના દસ્તાવેજાે લોકોને જાેઈતા હોય તો અત્યાર સુધી કચેરીમાં ધક્કા ખાવા પડે છે. પરંતુ હવે લોકો સાથે સીધા જ જાેડાયેલા આ બંને ખાતાના મહત્ત્વના દસ્તાવેજાેની જૂની ફાઈલો સ્કેન કરીને ઓનલાઈન મૂકવાનું આયોજન કરાયું છે. દસ્તાવેજાે સ્કેન કરવા માટે રૂ.૧ કરોડની કામગીરીની દરખાસ્ત ઈ-ગવર્નન્સ, ઈલેક્ટ્રિકલ એન્ડ મટિરિયલ પ્રોક્યોરમેન્ટ કમિટીમાં મંજૂર કરાઈ છે.અમદાવાદ શહેરમાં નવી અને જૂની મળીને કુલ ૨૨થી ૨૪ લાખ જેટલી મિલકતો છે. નવી મિલકતોના દસ્તાવેજાે તો લોકોને સરળતાથી મળી જાય છે. પરંતુ જૂની મિલકતોના દસ્તાવેજાે શોધવા માટે મ્યુનિ.ની જુદી જુદી કચેરીઓમાં વારંવાર ધક્કા ખાવા પડે છે. ત્યારબાદ પણ ફાઈલોમાંથી શોધીને દસ્તાવેજાે મળશે કે કેમ? તે નક્કી હોતું નથી. લોકોને મોટાભાગે મ્યુનિ.ના એસ્ટેટ અને ટેક્સ ખાતાના જૂના દસ્તાવેજાેની વધારે જરૂર પડતી હોય છે. ત્યારે આ બંને ખાતાના દસ્તાવેજાે પહેલાં સ્કેન કરાશે.એસ્ટેટ વિભાગ: બાંધકામની મંજૂરી, બીયુ પરમિશન, બિલ્ડિંગના પ્લાન-લેઆઉટ, પ્રોપર્ટી કાર્ડ, કબજા નોટિસ, ગેરકાયદે બાંધકામોની નોટિસ, મિલકત ટ્રાન્સફરની વિગતો, ટેક્સ ક્લિયરન્સ સર્ટિ., ફાઈનલ પ્લોટનો નંબર અને વિગતો, ટીપી સ્કીમનો નકશો, ઝોન અંગેનું પ્રમાણપત્ર.ટેક્સ વિભાગ: પ્રોપર્ટી ટેક્સ બિલ, ટેક્સ ભર્યાની રસીદ, નો ડ્યુ સર્ટિફિકેટ, ટેનામેન્ટ નંબર, ૭-૧૨, ૮-અ, વેચાણ દસ્તાવેજની નકલ, સોસાયટી સંબંધિત દસ્તાવેજાે, કાનૂની દસ્તાવેજાે.અમદાવાદ આમ તો ભારતની આઝાદી પહેલાંથી જ મોટા શહેર તરીકે વિકસેલું છે. ત્યારે મ્યુનિ. કચેરીમાં ૮૦-૯૦ વર્ષ સુધીના જૂના દસ્તાવેજાે પણ હશે. આવા જૂના દસ્તાવેજાે શોધવામાં જ લોકોને મુશ્કેલી પડતી હોય છે. જેનું સ્કેનિંગ કરાયા બાદ સરળતાથી ઓનલાઈન મળી શકશે. મ્યુનિસિપલની ઈગવર્નન્સ, ઈલેક્ટ્રિકલ એન્ડ મટિરિયલ પ્રોક્યોરમેન્ટ કમિટીના ચેરમેનના જણાવ્યા અનુસાર, અત્યારે જેવી રીતે લોકો ઓફલાઈન ફી ભરીને જૂના દસ્તાવેજાે મેળવી શકે છે, તેવી રીતે નિયત ફી ચૂકવી ઓનલાઈન દસ્તાવેજાે મેળવી શકશે. સ્કેનિંગથી લાંબા સમય સુધી દસ્તાવેજાેની જાળવણી પણ થશે.ત્યારબાદ અન્ય જરૂરી ખાતાના જૂના દસ્તાવેજાેને પણ તેમાં સમાવી લેવાશે. દસ્તાવેજાે સ્કેન કરવાની રૂ.૧ કરોડની કામગીરી ગુજરાત ઈન્ફોટેક લિ.ને આપવાની દરખાસ્ત આજે મ્યુનિસિપલની કમિટીમાં પાસ કરાઈ છે.
