બગોદરા પોલીસે એક મોટી સફળતા મેળવીસંતરાની આડમાં ઘુસાડાતો ૪૮ લાખનો વિદેશી દારૂ ઝડપાયો.પોલીસે ટ્રકમાં ઉંડાણપૂર્વક તપાસ કરતાં સંતરાના કેરેટની પાછળ વ્યવસ્થિત રીતે છુપાવેલો વિદેશી દારૂનો જંગી જથ્થો મળી આવ્યો હતો.૩૧મી ડિસેમ્બરની ઉજવણી પૂર્વે રાજ્યમાં દારૂની રેલમછેલ રોકવા પોલીસ તંત્ર એક્શન મોડમાં છે, ત્યારે અમદાવાદ ગ્રામ્યના બગોદરા પોલીસે એક મોટી સફળતા મેળવી છે. અમદાવાદ-રાજકોટ હાઈવે પર બગોદરા ટોલટેક્સ નજીક વાહન ચેકિંગ દરમિયાન પોલીસે સંતરાના કેરેટની આડમાં લઈ જવાતો લાખો રૂપિયાનો વિદેશી દારૂનો જથ્થો ઝડપી પાડી, બુટલેગરોની કારસાઝીનો પર્દાફાશ કર્યો છે.
સંતરાની આડમાં દારૂની હેરાફેરી પોલીસ સૂત્રોના જણાવ્યા અનુસાર, બગોદરા પોલીસની ટીમ ટોલટેક્સ પાસે રૂટિન વાહન ચેકિંગમાં હતી. તે દરમિયાન અમદાવાદ તરફથી આવતી એક શંકાસ્પદ આઈશર ટ્રકને અટકાવીને તપાસ હાથ ધરવામાં આવી હતી. પ્રાથમિક તપાસમાં ટ્રકમાં પ્લાસ્ટિકના કેરેટમાં સંતરા ભરેલા જાેવા મળ્યા હતા. જાેકે, ટ્રક ચાલક પાસે માલસામાન અંગેની કોઈ પાકી બિલ્ટી ન હોવાથી પોલીસને શંકા ગઈ હતી. પોલીસે ટ્રકમાં ઉંડાણપૂર્વક તપાસ કરતાં સંતરાના કેરેટની પાછળ વ્યવસ્થિત રીતે છુપાવેલો વિદેશી દારૂનો જંગી જથ્થો મળી આવ્યો હતો.
પોલીસને ટ્રકમાંથી ભારતીય બનાવટના વિદેશી દારૂની કુલ ૨૯૫ પેટીઓ મળી આવી હતી. જેમાં ૧૮૦ મિલીની નાની ૧૪,૧૬૦ બોટલો હતી. જેની કિંમત રૂ. ૪૮,૧૪,૪૦૦ અને ટ્રકની કિંમત: રૂ. ૧૦,૦૦,૦૦૦ એમ કુલ રૂ. ૫૮,૪૦,૪૦૦/ (મોબાઈલ સાથે) મુદ્દામાલ જપ્ત કર્યો હતો. આ પ્રકરણમાં પોલીસે પોલીસે ટ્રક ચાલક રણબીરસિંહ રણજીતસિંહ રાજપુત (ઉં.વ. ૫૦) અને શેરસિંહ રતનલાલ રાજપુત (ઉં.વ.૨૪) એમ બે આરોપીઓની ધરપકડ કરી છે. પોલીસની પૂછપરછમાં સામે આવ્યું છે કે, આ દારૂનો જથ્થો હરિયાણાના મનીષ ઉત્તમચંદ શર્મા એ મોકલ્યો હતો અને ગુજરાતમાં કોઈ અજાણ્યા શખ્સને પહોંચાડવાનો હતો. પોલીસે ફરાર આરોપીઓને ઝડપી પાડવા અને આ દારૂ ક્યાં સપ્લાય થવાનો હતો તે દિશામાં વધુ તપાસ હાથ ધરી છે.
