Rajkot TRP Game Zone : પ્રથમ વખત રાજકોટ સ્થિત TRP ગેમ ઝોનના CCTV ફૂટેજ સામે આવ્યા છે, જેમાં આગ લાગવાનું કારણ બહાર આવ્યું છે. ફૂટેજ જોતા જણાય છે કે એક્સ્ટેંશન એરિયામાં વેલ્ડીંગના કારણે આગ લાગી હતી અને પરિસરમાં હાજર અગ્નિશામક સાધનોનો પણ ઉપયોગ કરવામાં આવ્યો હતો પરંતુ આગની તીવ્રતા સામે તેઓ કામ નહોતા કરતા અને 12 બાળકો સહિત 27 લોકોના મોત થયા હતા. એવું કહેવામાં આવી રહ્યું છે કે જો ફાયર ફાઈટિંગ સિસ્ટમ લગાવવામાં આવી હોત તો આગને ફેલાતી અટકાવી શકાઈ હોત.
સીસીટીવી ફૂટેજ જુઓ
ગુજરાતના રાજકોટ શહેરના કાલાવડ રોડ પર આવેલા TRP ગેમ ઝોનમાં શનિવારે સાંજે લગભગ 4.30 કલાકે ભીષણ આગ ફાટી નીકળી હતી. આ મોટી દુર્ઘટનામાં 12 બાળકો સહિત 27 લોકોના મોત થયા છે. આ ઘટના વિશે જેણે પણ સાંભળ્યું તે ચોંકી ગયું. આ ઘટનામાં 25થી વધુ લોકોને સુરક્ષિત બહાર કાઢવામાં આવ્યા હતા. આ ઘટનામાં મૃતકોની લાશ એટલી ખરાબ રીતે દાઝી ગઈ હતી કે તેમની ઓળખ થઈ શકી નથી. પ્રશાસને કહ્યું છે કે મૃતદેહોની ઓળખ માટે ડીએનએ ટેસ્ટ કરવામાં આવશે. આગ ત્રણ કલાકમાં કાબુમાં આવી હતી. જોકે, આગ લાગી તે સમયે ગેમ ઝોનમાં કેટલા લોકો હાજર હતા તે અંગે વહીવટીતંત્ર હજુ સુધી કહી શક્યું નથી.
ટીઆરપી ગેમ ઝોન પાસે ફાયર એનઓસી પણ ન હોવાનું પણ સામે આવ્યું છે. સ્થાયી સમિતિના અધ્યક્ષ જૈમિન ઠાકરે જણાવ્યું હતું કે આ માટે જે પણ જવાબદાર હશે તેને બક્ષવામાં આવશે નહીં. પીએમ મોદી, ગૃહમંત્રી અમિત શાહ સહિત અનેક નેતાઓએ આ દુર્ઘટના પર શોક વ્યક્ત કર્યો હતો.
